jueves, 18 de junio de 2026
O conselleiro de Cultura e Turismo, Roberto Varela, presentou nun acto celebrado na cripta románica da Catedral de Santiago a programación para o 800 aniversario da consagración do templo compostelán froito da colaboración co Consorcio de Santiago. O conselleiro destacou á Catedral como un “patrimonio fundamental da arte universal está representado o talento e o esforzo dos galegos, que a través dos séculos contribuÃron a outorgarlle o seu actual aspecto e a súa imperecedoira relevancia”.
O acto de presentación contou coa presenza do alcalde de Santiago e presidente do Consorcio de Santiago, Xosé A. Sánchez Bugallo; o deán da Catedral, José MarÃa DÃaz; o xerente do Consorcio de Santiago, Xosé Manuel Villanueva; coa subsecretaria do Ministerio de EconomÃa y Hacienda, Juana MarÃa Lázaro e coa subsecretaria do Ministerio de Cultura, Mercedes Elvira del Palacio. Roberto Varela manifestou na súa intervención “o compromiso da ConsellerÃa de Cultura e Turismo para que o fenómeno xacobeo siga co seu imparable crecemento” e amosou o seu convencemento de que “estes actos que hoxe se presentan, e moitos outros nos que se está a traballar, completarán unha programación ampla e de calidade”.
Entre as actividades programadas para este Oitavo Centenario, o responsable da área de Cultura subliñou “o labor de restauración e melloras no templo compostelán”. As obras da fachada da AcibecherÃa, na Torre do Reloxo e nas cubertas do Pórtico da Gloria representan segundo o conselleiro, “unha prioridade para nós” e “amosan o empeño por conseguir que a Catedral ofreza a súa mellor faciana 800 anos despois da súa consagración”.
Do mesmo xeito, Roberto Varela fixo referencia ao programa musical que “terá un lugar privilexiado neste 800 aniversario”. O conselleiro lembrou a declaración do ano 2011 pola Xunta de Galicia como Ano da Música e destacou importantes eventos como o ciclo Galicia Classics que achegará “algunhas das figuras musicais máis importantes do mundo”, ou o Festival Via Stellae que “alcanzará a súa sexta edición e volverá a encher da mellor música os lugares máis emblemáticos de Compostela”.
Varela recordou asemade que en 2011 desenvolverase a segunda edición do Congreso Internacional de Literatura de Viaxes, Litvi, que “comezou a súa andaina o pasado ano co impulso do Xacobeo”. Segundo informou o conselleiro, o congreso “contará con algunhas das firmas máis prestixiosas e estará centrado nas Catedrais de Europa”.
800 aniversario
O 800 aniversario da consagración da Catedral de Santiago representa unha “efeméride histórica” que chega, en verbas do conselleiro, “nun momento no que o fenómeno xacobeo está a experimentar as cotas máis altas de popularidade e dinamismo dende o descubrimento dos restos do Apóstolo hai máis de mil anos”.
Segundo salientou Varela no seu relatorio, “o maxestoso perfil do templo compostelán e as súas torres seguen a ser motivo de orgullo e inspiración para todos os galegos e para os millóns de persoas que ano a ano nos visitan”.
A Mostra Internacional de Teatro de Ribadavia reunirá do 17 ao 25 de xullo 25 espectáculos procedentes de Galicia, Portugal, Francia, México e diferentes comunidades autónomas, nunha 42ª edición atravesada pola creación contemporánea, a diversidade de linguaxes e formatos, a memoria histórica, a música en directo e a capacidade da escena para activar pensamento crÃtico e experiencia colectiva. Entre estas propostas figura A Fortaleza, da compañÃa A Feroz, coproducida polo Centro Dramático Galego e o festival FITEI do Porto. A obra, dirixida pola portuguesa Raquel Sousa e con dramaturxia de Lorena Conde e da propia Sousa, recupera a memoria das guerrilleiras antifranquistas galegas a través da figura de Consuelo RodrÃguez López, Chelo.
O Festival de Música Antiga e Barroca Ateneo Barroco celebrará do 6 ao 20 de outubro a súa oitava edición cun programa articulado arredor da música antiga, os instrumentos históricos, a divulgación e o encontro co público. O certame compostelá ofrecerá seis concertos en diferentes espazos da capital de Galicia, ademais de cinema documental, unha conferencia, unha acción de improvisación, un club de lectura e varios encontros cos artistas. A programación principal de Ateneo Barroco desenvolverase en espazos como a Igrexa da Universidade, o Teatro Principal, o Salón Teatro e o Paraninfo da Universidade. O calendario de recitais abrirase con Lina Tur Bonet e Bach, partita, sonata, e continuará con Ars Atlántica, Resonet, Arc & Volta e Bertrand Cuiller, antes do peche con Accademia del Piacere e Fahmi Alqhai en In dulci jubilo.
