martes, 29 de septiembre de 2026
O director xeral de Promoción e Difusión da Cultura, Francisco López, interveu no Parlamento de Galicia para expoñer o estado actual da nova Lei de Bibliotecas e a adquisición de produtos editoriais. O director xeral asegurou respecto a nova lexislatura que rexerá ás bibliotecas, que non sufrirá atrancos e quedará aprobada nesta lexislatura. É vontade polo tanto que sexa presentada no Parlamento neste mesmo ano 2010, engadiu.
Francisco López anunciou no hemiciclo galego que desde a Consellería de Cultura e Turismo pretendemos que a lei sexa valorada e enriquecida nos elementos susceptible de selo polo que levouse a cabo unha ampla política de difusión dos seus contidos co fin de abrir portas a alegacións ou propostas relativas á mesma que permitiu nos últimos meses introducir elementos que sen dúbida melloran e actualizan os textos iniciais.
O director xeral de Cultura incidiu na idea de que a Lei de Bibliotecas debe ser, unha Lei consensuada e valorada por todo o Parlamento, polo que a Consellería se esforza en manter criterios esencialmente técnicos na súa redacción e continuar, sen desfacer, o traballo feito ata agora. Francisco López subliñou o momento actual do trámite da Lei, aberto a propostas e afirmou que varias das alegacións deron lugar a cambios ou modificacións , en xeral limitadas a puntos concretos.
Adquisicións editoriais
Respecto á compra de produtos editoriais e ao seu pagamento, o director xeral, ao fío da reunión mantida onte coa nova directiva da Asociación Galega de Editores, apuntou que todo o procedemento está xestionado con axilidade e que os pagamentos soamente sofren os atrasos derivados dun bo control administrativo, ou os derivados da dinámica das firmas que a Consellería adquire os respectivos volumes.
Francisco López lembrou que as novidades editoriais adquiridas están aboadas, nos casos nos que a contía resulta inferior a 18.000 euros, e nos casos nos que as editoriais deben percibir unha cantidade superior, o procedemento esixe a sinatura dun contrato de obra. O director xeral estableceu que a Consellería de Cultura e Turismo a través da súa Dirección Xeral destinou un total de 1.092.290 euros no ano 2009, no presente exercicio, o investimento previsto ascende a 1.100.000 euros e con respecto á cantidade para o ano 2011, neste momento a Xunta de Galicia está a elaborar os orzamentos.
O director xeral de Cultura enviou un mensaxe de futuro asegurando a coordinación e establecemento duns principios de actuación coa nova directiva da Asociación Galega de Editores e unha actuación desde a Xunta de Galicia que permitirá actuar nos investimentos con vontade de crecemento, a través da calidade e da procura de mercados onde situarnos, mellora na profesionalización do sector e corresponsabilidade das empresas, as primeiras interesadas en manterse nun sector á alza.
A Xunta iniciou hoxe nas residencias de maiores a campaña de vacinación fronte á gripe, que incorpora a vacina reforzada desde os 65 anos e busca chegar a 926.000 persoas de máis de 60 anos. En Galicia hai 926.000 persoas de 60 ou máis anos como poboación diana para a vacinación fronte á gripe, e ao redor de 549.000 maiores de 70 anos, que é a poboación diana para a que está indicada a inmunización fronte á covid. A campaña prolongarase ata o 31 de decembro, desenvolvéndose de xeito progresivo nos distintos colectivos e grupos de idade. Así, logo do arranque de hoxe nas residencias de maiores e centros de discapacidade, o vindeiro día 13 de outubro incorporarase a vacinación infantil nos centros de saúde e nos 75 colexios.
O informe de balance do programa de axudas para a Atracción de Empresas a Galicia, unha liña xestionada pola Consellería de Economía e Industria a través do Igape que se consolida como un piar estable dentro da estratexia económica do Goberno galego, reflicte que entre os anos 2024 e 2026, este programa permitiu a concesión de 74,08 millóns de euros en subvencións públicas, unha contía que impulsou a posta en marcha de 96 proxectos empresariais e que xerará un impacto económico total de 256,75 millóns de euros en mobilización de investimento privado.
