martes, 29 de septiembre de 2026
A conmemoración comezará co acto institucional organizado polo Concello de Poio na Caeira, cunha ofrenda floral no monumento e coa intervención de Luciano Sobral, Alcalde de Poio, Xosé Luís Bóveda, Vicepresidente da Fundación Alexandre Bóveda e fillo de Alexandre Bóveda en representación da Fundación, e Amalia Bóveda, en representación da familia de Alexandre Bóveda.
O xantar de entrega do V premio á recuperación da memoria histórica será as 14:00 h. No Pazo da Cultura. O premio, que se vén concedendo desde o 2006 (instituído polo Parlamento Galego como ano da memoria) homenaxea ás mocidades que fixeron posible o trunfo do Estatuto do 36 e que estarán personalizadas polas figuras representativas de Avelino Pousa Antelo, Francisco Fernández del Riego, Xaime Illa Couto e Isaac Díaz Pardo, activistas da campaña estatutaria que significou un salto cualitativo na historia de Galiza e que se vería truncado co golpe militar do 18 de xullo. A familia Bóveda convida tamén a misa de aniversario que terá lugar ás 18:30 na Capela de San Amaro (Pontevedra). A ofrenda cívica diante do sartego de Alexandre Bóveda no cemiterio de San Amaro estará a cargo do escritor, intelectual e político Camilo Nogueira Román e celebrarase ás 19:00 h.
Por último o BNG celebrará o seu tradicional homenaxe e ofrenda floral na praza de Curros Enríquez ás 20:30 h. Intervirá Miguel Anxo Fernández Lores, actual alcalde de Pontevedra.
A Xunta iniciou hoxe nas residencias de maiores a campaña de vacinación fronte á gripe, que incorpora a vacina reforzada desde os 65 anos e busca chegar a 926.000 persoas de máis de 60 anos. En Galicia hai 926.000 persoas de 60 ou máis anos como poboación diana para a vacinación fronte á gripe, e ao redor de 549.000 maiores de 70 anos, que é a poboación diana para a que está indicada a inmunización fronte á covid. A campaña prolongarase ata o 31 de decembro, desenvolvéndose de xeito progresivo nos distintos colectivos e grupos de idade. Así, logo do arranque de hoxe nas residencias de maiores e centros de discapacidade, o vindeiro día 13 de outubro incorporarase a vacinación infantil nos centros de saúde e nos 75 colexios.
O informe de balance do programa de axudas para a Atracción de Empresas a Galicia, unha liña xestionada pola Consellería de Economía e Industria a través do Igape que se consolida como un piar estable dentro da estratexia económica do Goberno galego, reflicte que entre os anos 2024 e 2026, este programa permitiu a concesión de 74,08 millóns de euros en subvencións públicas, unha contía que impulsou a posta en marcha de 96 proxectos empresariais e que xerará un impacto económico total de 256,75 millóns de euros en mobilización de investimento privado.
