martes, 29 de septiembre de 2026
O presidente da Xunta, Alberto Núñez Feijóo, expresou a súa satisfacción pola grande afluencia de peregrinos e turistas que ao longo do ano, e nomeadamente, estes días, visitan Santiago de Compostela e Galicia, e manifestou o seu desexo de que durante os vindeiros meses o Xacobeo siga a ser un éxito.
Así mesmo, agradeceu ás Súas Maxestades Os Reis que onte estiveran presentes nun día tan importante para Galicia e, de igual xeito, reiterou a súa satisfacción pola vindeira visita do Santo Pai a Santiago, que culminará un Ano Santo rendondo.
Santiago é o protagonista unha vez máis, enfatizou Feijóo, quen confesou a súa ledicia por como transcorreu a xornada do Día de Galicia e, ademais, por como está a transcorrer o mes de xullo, en canto a número de turistas que visitan a nosa comunidade.
O espírito aventureiro do Camiño
O mandatario galego recibiu no Obradoiro aos rapaces que integran a expedición da Ruta Quetzal e ao seu fundador e director, Miguel de la Quadra-Salcedo. No encontro, Feijóo tivo a oportunidade de conversar con eles e coñecer a un dos mozos galegos que participan na aventura e a outros procedentes de diferentes rexións de Iberoamérica.
Feijóo participou nunha foto de familia cos membros da expedición que o convidaron a acuñar unha moeda conmemorativa da Ruta Quetzal. Precisamente, sobre o seu director, Miguel de la Quadra-Salcedo, o titular da Xunta dixo que é un aventureiro que simboliza moi ben o que é o Camiño de Santiago, que é facer unha aventura, dixo. No caso deste edición da ruta empezou en Hipanoamérica e rematou en Santiago, lembrou.
A Xunta iniciou hoxe nas residencias de maiores a campaña de vacinación fronte á gripe, que incorpora a vacina reforzada desde os 65 anos e busca chegar a 926.000 persoas de máis de 60 anos. En Galicia hai 926.000 persoas de 60 ou máis anos como poboación diana para a vacinación fronte á gripe, e ao redor de 549.000 maiores de 70 anos, que é a poboación diana para a que está indicada a inmunización fronte á covid. A campaña prolongarase ata o 31 de decembro, desenvolvéndose de xeito progresivo nos distintos colectivos e grupos de idade. Así, logo do arranque de hoxe nas residencias de maiores e centros de discapacidade, o vindeiro día 13 de outubro incorporarase a vacinación infantil nos centros de saúde e nos 75 colexios.
O informe de balance do programa de axudas para a Atracción de Empresas a Galicia, unha liña xestionada pola Consellería de Economía e Industria a través do Igape que se consolida como un piar estable dentro da estratexia económica do Goberno galego, reflicte que entre os anos 2024 e 2026, este programa permitiu a concesión de 74,08 millóns de euros en subvencións públicas, unha contía que impulsou a posta en marcha de 96 proxectos empresariais e que xerará un impacto económico total de 256,75 millóns de euros en mobilización de investimento privado.
