martes, 29 de septiembre de 2026
O presidente da Xunta de Galicia, Alberto Núñez Feijóo, anunciou que o corredor Sarria-Monforte, que estará listo en 2011, reducirá o traxecto entre ámbalas dúas localidades a 17 minutos. Dezasete minutos, así é como se vai chamar a partir de agora o treito que nos separa entre Monforte e Sarria, pasando da máis de media hora actual a 17 minutos dentro dun ano, aseverou.
Así mesmo, Feijóo, que visitou o estado das obras, amosou o seu desexo de que o corredor se poda conectar coas autovías do Estado: coa autovía comprometida entre Monforte e Ponferrada e coa Autovía do Cantábrico.
Amais de liberar de tráfico unha das estradas máis transitadas de toda a provincia, o titular do Goberno galego subliñou que con esta obra, de máis de 28 quilómetros e 150 millóns de euros, cúmprense dous obxectivos: vertebrar completamente a metade sur da provincia de Lugo e o obxectivo ambicioso de que o 80% da poboación galega estea a menos de 10 minutos dunha vía de alta capacidade.
Desde o punto de vista económico, Feijóo afirmou que a construción e posta en servizo do corredor vai supoñer unha oportunidade extraordinaria para estas comarcas. Non en van, -asegurou- é o complemento imprescindible para dar saída aos proxectos económicos que xurdan no Porto Seco de Monforte cuxas expropiacións se iniciarán este mesmo ano- para que teñan unha arteria que os comunique coas principais vías de comunicación de España, e ao abeiro do proxecto Impulsa Lugo, é dicir, financiamento ata o 50% de todas as iniciativas empresariais que se poñan na provincia de Lugo.
O responsable do Executivo autonómico avoga por unha Galicia na que as provincias do interior superen as súas diferenzas coas provincias atlánticas e, neste sentido, fixo fincapé en que é fundamental sementar o territorio de infraestruturas selectivas e precisas para triunfar no noso empeño de legar ás xeracións vindeiras as mesmas oportunidades, calquera que sexa a cidade, a vila ou a aldea onde vivan.
Feijóo afirmou que esa filosofía do traballo rigoroso é a que rexe todos e cada un dos proxectos que está a levar a cabo a Xunta na provincia: xa sexa no ámbito dos servizos sociais, para poñer en marcha neste ano 2010 máis de 400 prazas de residencias, con especial énfase na residencia de Monforte; ou no ámbito sanitario, para abrir un dos grandes hospitais de España, o Hospital de Lugo, despois do verán e potenciar, incrementar e mellorar o Hospital de Monforte e o Hospital da Costa.
No tocante ás infraestruturas, destacou tres compromisos coa provincia: cumprir o compromiso de que este ano o 50% da Vía de alta capacidade da Mariña estea en obras ou expropiacións; o segundo compromiso refírese a autovía entre Nadela e Sarria, vamos a cumprir a palabra dada, primeiro facer un corredor e despois desdobralo en autovía; e, o terceiro compromiso é o corredor Sarria-Monforte, un corredor que plantexa unha expropiación completa de autovía, que plantexa un deseño de viadutos desdobrables para confirmar esa autovía e que, por suposto, en función dos tráficos será desdobrado en autovía como está agora xa iniciado o desdobramento con Sarria e con Lugo.
A Xunta iniciou hoxe nas residencias de maiores a campaña de vacinación fronte á gripe, que incorpora a vacina reforzada desde os 65 anos e busca chegar a 926.000 persoas de máis de 60 anos. En Galicia hai 926.000 persoas de 60 ou máis anos como poboación diana para a vacinación fronte á gripe, e ao redor de 549.000 maiores de 70 anos, que é a poboación diana para a que está indicada a inmunización fronte á covid. A campaña prolongarase ata o 31 de decembro, desenvolvéndose de xeito progresivo nos distintos colectivos e grupos de idade. Así, logo do arranque de hoxe nas residencias de maiores e centros de discapacidade, o vindeiro día 13 de outubro incorporarase a vacinación infantil nos centros de saúde e nos 75 colexios.
O informe de balance do programa de axudas para a Atracción de Empresas a Galicia, unha liña xestionada pola Consellería de Economía e Industria a través do Igape que se consolida como un piar estable dentro da estratexia económica do Goberno galego, reflicte que entre os anos 2024 e 2026, este programa permitiu a concesión de 74,08 millóns de euros en subvencións públicas, unha contía que impulsou a posta en marcha de 96 proxectos empresariais e que xerará un impacto económico total de 256,75 millóns de euros en mobilización de investimento privado.
