martes, 29 de septiembre de 2026
O portavoz do BNG no Congreso dos Deputados, Francisco Jorquera, denuncia que a web de Paradores del Estado www.paradores.es, un organismo dependente do Ministerio de Industria, Turismo e Comercio, está dispoñíbel en castelán, francés, alemán, inglés e catalán, pero non en galego. De forma inexplicábel, e sen ningún motivo que o xustifique, non se ofrece versión da páxina web en lingua galega, advirte o deputado nacionalista.
Francisco Jorquera denuncia que a recorrente teima da Administración Central en marxinar á lingua galega vulnera toda a lexislación e iniciativas adoptadas para que o Goberno Central respecte o carácter plurilingüísticos do Estado español.
É unha falta de respecto cara os consumidores galegos
É unha falta de respecto cara os consumidores galegos e galegas, como se non tivésemos dereito a sermos atendidos na nosa lingua, pero si os teñen os alemáns, os franceses ou os cataláns, asegura Jorquera.
Ante esta situación, o deputado do BNG pregúntalle ao Goberno por qué motivo o galego está excluído da web de paradores e se non considera que isto é claramente discriminatorio. Neste sentido, esixe que se adopten medidas para que o galego, ao igual que o castelán, poda ser utilizado en todos os trámites da web de paradores. Francisco Jorquera pídelle ao Goberno que explique cal é a razón de que a Administración Central marxine de forma recorrente á lingua galega.
A Xunta iniciou hoxe nas residencias de maiores a campaña de vacinación fronte á gripe, que incorpora a vacina reforzada desde os 65 anos e busca chegar a 926.000 persoas de máis de 60 anos. En Galicia hai 926.000 persoas de 60 ou máis anos como poboación diana para a vacinación fronte á gripe, e ao redor de 549.000 maiores de 70 anos, que é a poboación diana para a que está indicada a inmunización fronte á covid. A campaña prolongarase ata o 31 de decembro, desenvolvéndose de xeito progresivo nos distintos colectivos e grupos de idade. Así, logo do arranque de hoxe nas residencias de maiores e centros de discapacidade, o vindeiro día 13 de outubro incorporarase a vacinación infantil nos centros de saúde e nos 75 colexios.
O informe de balance do programa de axudas para a Atracción de Empresas a Galicia, unha liña xestionada pola Consellería de Economía e Industria a través do Igape que se consolida como un piar estable dentro da estratexia económica do Goberno galego, reflicte que entre os anos 2024 e 2026, este programa permitiu a concesión de 74,08 millóns de euros en subvencións públicas, unha contía que impulsou a posta en marcha de 96 proxectos empresariais e que xerará un impacto económico total de 256,75 millóns de euros en mobilización de investimento privado.
