martes, 9 de junio de 2026
Pontevedra foi a cidade escollida para levar a cabo a firma do convenio da posta en marcha da Rede de Cidades Romanas do Atlántico. O encontro, ao que asistirán todas as localidades que se vaian adherindo a esta rede, celebrarase entre os meses de maio e
xuño na cidade do Lérez, aÃnda que non foi fixada unha data concreta.
O alcalde de Pontevedra, Miguel Anxo Fernández Lores, estivo en
Madrid para asistir á firma do protocolo de actuación para a creación desta rede de cidades e, durante a xuntanza, o rexedor pontevedrés propuxo invitar tamén ás cidades galegas de A Coruña e Lugo para que formen parte deste proxecto, que ten como obxectivo poñer en valor o patrimonio romano e promocionar a Roma Atlántica a través de diferentes iniciativas. O alcalde considera que resulta importante a súa incorporación á rede polo patrimonio do que dispoñen e pola súa situación atlántica.
No encontro celebrado en Madrid participaron, ademais do alcalde de Pontevedra, o rexedor de Irún, e representantes de Xixón, Zaragoza, Sevilla, Santarem, Braga, Lisboa e a cidade francesa de Dax. O alcalde da localidade de York, en Reino Unido, non puido asistir ao acto, pero tamén amosou o seu interese en formar parte deste interesante grupo.
Representantes de todas as cidades nomeadas, e das que se vaian incorporando á rede nos próximos meses, estarán en Pontevedra para a firma do acordo que unirá definitivamente a todas as localidades na Rede de Cidades Romanas do Atlántico.
Tivo lugar a xornada 'Deputados por un dÃa', na que os escolares galegos levaron ao hemiciclo as súas propostas para mellorar a sociedade. Os catro representantes dos colexios, un por provincia, compartiron na Cámara as súas reflexións sobre a convivencia, o tema arredor do que xira este curso o programa educativo Abraza tus valores, e a relación dos menores coas tecnoloxÃas. Participaron máis de 8.300 escolares de entre 4 e 12 anos de 83 centros públicos, concertados e privados de Galicia (Arquitecto Casas Novoa de Santiago, o CEIP Plurilingüe A Gándara, de Monforte de Lemos, o CEIP Plurilingüe Irmáns Villar, de Ourense e o CEIP Plurilingüe de Cerdeiriñas, de Piloño).
A actividade levada a cabo pola Axencia de Protección da Legalidade UrbanÃstica (APLU) para protexer o medio ambiente e o patrimonio natural e paisaxÃstico galego permitiu o pasado ano a reposición da legalidade en 121 actuacións en toda Galicia. Estas reposicións foron resultado do labor do equipo inspector do organismo adscrito á ConsellerÃa de Vivenda e Planificación de Infraestruturas, e repartÃronse principalmente na provincia de Pontevedra, con 60 actuacións, seguida da Coruña con 30, Lugo con 21 e Ourense con 10.
