miércoles, 17 de junio de 2026
O Goberno galego xa ten ultimado o Plan de Autonomía Persoal para as Persoas Maiores de Galicia. Así o avanzou a conselleira de Traballo e Benestar, Beatriz Mato, no acto de presentación do libro Manual de autoayuda para un envejecimiento saludable y feliz que se celebrou en Santiago. Trátase dunha obra escrita polo mestre José Antonio Flórez Lozano e editada pola Obra Social de Caixa Galicia.
Mato concretou que o plan que se está a deseñar é unha ferramenta que nos servirá para coordinar todas aquelas políticas e accións dirixidas á mellora da calidade de vida dos maiores. Destacou, ao respecto, que este instrumento pretende ser, ademais, un vehículo para as relacións interxeracionais e subliñou que estamos a falar de políticas extensas, e non intensivas nin coxunturais, xa que se trata dunha nova concepción e xeito de vida dos nosos maiores.
Neste sentido, a titular de Traballo e Benestar explicou que a Xunta entende que os maiores son un piar da sociedade, como elemento activo e participativo. Por iso, engadiu que a sociedade galega ten que deixar de pensar nos maiores en termos de xubilación ou de retiro. O que está caduco é este concepto, non os nosos maiores, resaltou.
Mato apuntou que os países onde se puxeron en marcha programas consolidados de promoción de envellecemento activo lograron reducir as súas taxas de dependencia. É o caso doutros países da Unión Europea, dixo. Este é o camiño que desexa tamén emprender e consolidar a Consellería de Traballo e Benestar, engadiu.
Por último, a conselleira resaltou a necesidade de establecer unha coordinación entre os servizos de saúde de atención primaria e os servizos sociais como punto de partida antes da aplicación de programas específicos para a promoción da vida activa das persoas maiores.
A intelixencia artificial (IA), a súa gobernanza e o impacto na organizacións públicas centraron o II Encontro de Equipos de Tecnoloxías da Información e Comunicacións (TIC) das comunidades autónomas, celebrado hoxe en Madrid, no marco do Foro de Dixitalización das Comunidades Autónomas.A Xunta de Galicia estivo representada polo director da Axencia para a Modernización Tecnolóxica de Galicia (Amtega), Damián Rey, ao que acompañaron os responsables da Xerencia e das áreas de Administración Dixital, Infraestruturas e Seguridade, Solucións Tecnolóxicas Sectoriais, Transformación Dixital da Facenda Pública e a Oficina de Apoio Estratéxico e Planificación.
Deseñado e posto en marcha pola Consellería de Medio Ambiente e Cambio Climático a través de MeteoGalicia un servizo meteorolóxico de referencia na Comunidade, o chamado Sistema de Propagación de Incendios de Galicia (Spigal) permitirá dotar o operativo de loita contra o lume da Xunta dunha ferramenta tecnolóxica propia con capacidade para adaptarse á realidade en vivo, comparar distintos escenarios de evolución dun mesmo incendio e avaliar as medidas e actuacións en materia de extinción. Spigal superou xa unha fase de probas a partir dos datos reais dos incendios do verán pasado e está listo para entrar en funcionamento.
