jueves, 16 de abril de 2026
A Deputación de Ourense nomeo a Recaredo Paz Prieto fillo predilecto de Ourense, a tÃtulo póstumo, nun acto solemne que tivo lugar no Salón de Plenos da Institución provincial coa participación da Corporación, familiares, amigo se destacados persoeiros da vida social, institucional e académica de Ourense. A distinción que lle outorgou a Deputación ao gran impulsor do proxecto “Aixiña” foi recollida pola súa viúva, Olga Cuña.
O presidente da Deputación, José Luis Baltar, dixo no seu discurso que esta é unha distinción persoal, “pero este acto tamén é unha homenaxe á loita pola superación, á loita contra as barreiras fÃsicas e sociais, á loita contra a desigualdade e contra a exclusión social”, e engadiu que Recaredo “foi sempre un loitador infatigable, un creador de ilusión, un innovador, un facedor de soños, un emprendedor encomiable”.
José Luis Baltar dixo que tendo a Recaredo Paz como exemplo, “quero facer unha chamada á solidariedade como único camiño cara á igualdade, unha chamada á loita para recobrar o sentido ético que faga que os fortes sexan máis xustos para que os débiles poidan sentirse máis seguros”.
Con este galardón que a institución provincial lles outorga ós fillos máis destacados da nosa provincia, a Deputación, que sempre posibilitou a integración social, “súmase ao sentir de persoas, empresas e entidades, recoñecendo o traballo excepcional de Recaredo Paz e a súa repercusión en tódolos ámbitos sociais, en canto á defensa dos dereitos de todos e a consecución de metas que parecÃan inalcanzables”, afirmou Baltar.
Defensa dos dereitos dos discapacitados
Ao longo da súa vida, Recaredo Paz significouse pola defensa dos dereitos dos discapacitados en Ourense. O seu derradeiro proxecto foi a construción do Centro Integral de Servizos “Aixiña”, unha referencia no eido da atención e apoio ás persoas con discapacidade. O esforzo de Recaredo Paz fixo posible que este centro conte coa maior parte dos recursos que Ourense ofrece ao discapacitado fÃsico, como son o asesoramento e apoio, terapias, formación, actividades de ocio, deporte adaptado, centro de dÃa, servizo residencia e integración laboral.
Recaredo Paz naceu en 1959 en Taboadela. Aos 15 anos a súa mobilidade viuse condicionada a unha cadeira de rodas, malia o cal non perdeu interese pola vida activa. Aos 24 anos pasou a ser funcionario administrativo do entón Serem, e con esta perspectiva realizou outros estudos e ao mesmo tempo intensificou a súa participación en tarefas da Asociación Auxilia, coa que entrara en contacto nos seus comezos, alá polo ano 1969.
Un ano máis tarde contacta coa Asociación Auxilia-Ourense, que integra voluntarios que traballan no campo da promoción humana e social do discapacitado. Posteriormente concibe a idea dunha “Auxilia-Infantil”, que leva á práctica con nenos e nenas de educación básica. A súa misión é acompañar aos nenos diminuÃdos fÃsicos, organizando o grupo de amizade e acompañándoos en excursións, colonias ou centros de lecer.
Divulgador incansable
Paralelamente, pon en marcha un programa de radio na cadena Cope chamado “Revolución en Ruedas”, con diferentes contidos sobre os problemas do discapacitado, e dirixe durante varios anos a revista de Auxilia-Ourense. Con frecuencia é requerido por centros escolares e universidades e outros centros educativos para impartir conferencias sobre a mentalización dos problemas de marxinación, e xa como coordinador da asociación pon en marcha o proxecto de construción dun edificio integrador de servizos múltiples, onde poder desenvolver máis eficazmente as distintas accións de Auxilia, sobre todo no campo da cultura, do traballo e da asistencia social.
Ademais da súa dedicación ao ámbito deportivo dos discapacitados, Recaredo Paz, desenvolveu proxectos de atención á escolarización de nenos con problemas de retraso escolar, e a posta en marcha de iniciativas en favor de eliminar barreiras arquitectónicas.
O derradeiro proxecto de Recaredo Paz foi a construción do Centro de Servizos “Aixiña”. Este centro, de case 7.000 metros cadrados, contén a maior parte dos recursos que Ourense ofrece ao discapacitado fÃsico: asesoramento e apoio, terapias, formación, actividades de ocio, deporte adaptado, centro de dÃa, servizo residencia e integración laboral.
A Mostra Internacional de Teatro Cómico e Festivo de Cangas acordou conceder o Premio Xiria ao Labor Teatral 2026 ao actor Antonio Durán ‘MorrisÂ’ (Vigo, 1959). A organización da Mostra outorga este galardón en recoñecemento á súa dilatada traxectoria profesional, tanto no eido da comedia como do drama, 'cunha capacidade creativa excepcional que lle permite interpretar personaxes complexos ou populares e conmover aos públicos máis diversos'. O actor recibe cunha 'alegrÃa tremenda' este galardón, 'sobre todo vindo de xente que comparte o camiño que eu recorrÃn'.
A débeda pública de Galicia representa só 3,52 % do total da débeda do conxunto das comunidades, o mellor dato de toda a serie histórica, que comeza no ano 1994. Ademais, a ratio de débeda PIB galega sitúase no 13,9 %, fronte ao 20,2 % da media autonómica e por baixo das previsións iniciais contidas nos Orzamentos 2025, que eran do 14,1 %. Tamén desde o ano 2020 Galicia formaliza unha parte cada vez máis significativa do seu endebedamento en formato sustentable, a través de préstamos e emisións de bonos.
