martes, 9 de junio de 2026
A Cofradía do Capón de Villalba organizou unha nova degustación do capón, esta vez no Restaurante España da capital lucense.
Entre a vintena de comensales, ademáis dos directivos da Cofradía (Julio Rico, Alberto Goás e Daniel Goás), presididos polo seu titular, o avogado vilalbés en Madrid, Domingo Goás Chao, asistiu o Subdelegado do Goberno en Lugo; os empresarios Alfonso Lamas, Wenceslao Lamas, José Prieto, Antonio Prieto e Eliseo López; os Alcaldes de Quiroga (Julio Álvarez) e Corgo(José Antonio González), o sacerdote Antonio Dominguez; os xornalistas Alfredo Sánchez Carro e Francisco Rivera Cela, e os membros do equipo de Galicia Digital, Carlos Rodríguez Arias, José Luis Lugilde, Antonio Giz Paz e Xulio Xiz.
Recibiu os atributos de Cofrade de Honra do capón (diploma, banda e insignia) o Subdelegado do Goberno en Lugo, José Vázquez Portomeñe, así como os correspondentes diplomas os xornalistas Alfredo Sánchez Carro e Francisco Rivera Cela que, con anterioridade, xa recibirán a insignia e banda correspondentes.
A Cofradía do Capón de Villalba ven organizando degustacións do capón, a cargo dos máis destacados cociñeiros, de toda Galicia e Madrid e outras cidades do Estado, e nomeando Cofrades de Honra a diversos persoeiros que participan nestas degustacións do capón vilalbés.
Con este xantar, péchase na provincia de Lugo o calendario de degustacións do presente ano, que se reiniciarán a partir da Feira do Capón vilalbés, que tera lugar o próximo 21 de decembro. Nesa Feira, a Presidencia da Cofradía adquirirá varias ducias de pares de capóns que repartirá entre os principais restaurantes galegos e madrileños para, con posterioridade, organizar estas degustacións totalmente gratuítas nas que participan persoeiros do mundo da empresa, da sociedade e dos medios de comunicación, para contribuir á difusión deste singular elemento gastronómico, que identifica unha comarca e constitúe unha importante fonte de riqueza para o rural vilalbés.
O Presidente da Cofradía, o avogado Domingo Goás Chao, impulsa estas actividades pola crenza nas excelencias gastronómicas do capón vilalbés, e o interese en potenciar o producto máis xenuino da artesanía vilalbesa.
Os chefs representantes de cada cidade son: Adrián Pérez de Sinxelo (Ferrol); Carlos Montes de La Sifonería Gastrobar (A Coruña); Rodrigo Seoane de ArteSana Gastrobar (Santiago de Compostela); Rubén González de El Cafetín de La Alameda (Pontevedra); Rebeca Guede de La Orensana (Vigo); Beatriz Alcalá de La zapatería del abuelo (Ourense) e Jose Luis Pardo de El Boni (Lugo). Os sete cociñeiros competirán por dous galardóns e serán outorgados por un xurado profesional e outro popular, integrado polos invitados á gala, que utilizará un sistema de televotación. Todos eles valorarán cada tapa segundo a súa complexidade técnica, creatividade, presentación e sabor.
Presetouse a segunda parte da campaña de Trens Turísticos de Galicia, que inician estee sábado 6 de xuño unha nova quenda de viaxes coas saídas da Ruta dos Faros e a da Ribeira Sacra polo Sil. Os trens que inician saída neste mes son o das Rutas dos Faros (con saídas 6 e 20 de xuño, 4 e 18 de xullo, 29 de agosto e 26 de setembro, todas vendidas); os da Ribeira Sacra polo Sil (6 e 27 de xuño e 11 de xullo, xa vendidas; e 1 e 22 de agosto e 12 de setembro, aínda con prazas á venda); a da Ribeira Sacra polo Miño (13 de xuño, esgotadas, e 5 e 26 de setembro); e a dos Mosteiros (20 de xuño -xa vendidas- e 25 de xullo). O programa de Trens Turísticos de Galicia é unha iniciativa de Turismo de Galicia, en colaboración con Renfe e o INORDE. En total, en 2026 realizaranse 13 rutas e 33 saídas, cunha ruta -a da Camelia- xa realizada.
