sábado, 13 de diciembre de 2025
Unha comisión de veciños de Arzúa está a preparar, para o domingo 30 de novembro, a que pretende ser unha grande homenaxe á cantante Ana Kiro, natural da parroquia da Castañeda, e dende hai anos, Filla Predilecta do municipio. Trátase dun xantar de confraternidade que se vai celebrar no Recinto Feiral “Terra do Queixo” (Multiusos), ás 13:00 horas. Deste xeito, quérese deixar constancia do recoñecemento da súa vila natal a unha muller que é unha das mellores embaixadoras de Arzúa, posto que sempre fixo gala do seu concello e localidades de orixe, levando o nome da vila por medio mundo.
As entradas para poder asistir ó xantar pódense mercar en tódolos bares de Arzúa e na librerÃa Picariños. Teñen un prezo de 28€; parte desa cantidade vai destinada a sufragar os agasallos que serán entregados a Ana Kiro no transcurso desa comida. Para os que non se poidan achegar a mercalas, xa que dita homenaxe está aberta a todo aquel que queira participar, a organización habilitou unha conta en Caixa Galicia, onde tamén se poden reservar eses pases, ademáis de no número de teléfono e fax 981 500 069. O número de conta é o 2091 0369 91 3040037621.
Ademais da presenza de Ana Kiro, está previsto que moitos personaxes amigos e compañeiros da artista a acompañen nesa data. A isto hai que sumar a colaboración de numerosas entidades culturais de Arzúa, que amenizarán a xornada coas súas interpretacións. O obxectivo é acompañar á artista na súa recuperación e facerlle sentir o calor dun pobo que lle está agradecido por todo o que representa a carreira desta muller.
Os Concertos do Xacobeo da Xunta de Galicia achegarán a mellor música internacional do momento a Santiago de Compostela cunha nova edición de O Gozo Festival. Maroon 5, Martin Garrix, Danny Ocean, Rita Ora e Miriam RodrÃguez son as primeiras confirmacións do festival, que presentarán os seus directos no Monte do Gozo compostelán o sábado 11 de xullo de 2026. O Gozo Fest conta co apoio da Xunta de Galicia a través da Axencia Turismo de Galicia, no marco dos Concertos do Xacobeo. En 2026, O Gozo Festival celebrará a súa cuarta edición cun line-up de luxo. O proxecto O Gozo Festival, que naceu en 2023 co apoio da Xunta de Galicia a través da Axencia Turismo de Galicia, no marco de Concertos do Xacobeo, consolidouse na súa terceira edición, celebrada en 2025, cun éxito rotundo de crÃtica e público.
O presidente da Xunta, Alfonso Rueda, defendeu esta mañá, na súa condición de presidente da delegación española do Comité Europeo das Rexións (CdR), unha maior cogobernanza das rexións na planificación e xestión dos fondos europeos e máis recursos para o sector primario. Asà o destacou logo dunha reunión organizada polo Executivo galego entre os representantes españois tanto das comunidades autónomas como das entidades locais do CdR con eurodeputados españois e o embaixador representante permanente de España ante a Unión Europea, Marcos Alonso, 'para poñer en común as intencións e o noso plantexamento' de cara á negociación do novo Marco Financieiro Plurianual 2028-2034.
