sábado, 25 de abril de 2026
A Cofradía del Capón de Villalba que preside o avogado vilalbés en Madrid, Domingo Goás Chao, celebrou unha das súas degustacións na capital lucense, á que asistiron unha vintena de destacados lucenses da política, avogacía, medios de comunicación e empresa.
A degustación tivo lugar no restaurante Mesón de Alberto, correndo o menú a cargo do cociñeiro Alberto García, que preparou o exquisito capón vilalbés ó xeito tradicional e ó seu propio estilo nun prato de creación que foi loubado por todos os asistentes.
No mesmo acto, o avogado vilalbés Domingo Goás, colocou a banda de cofrade maior a Alberto García.
A "Cofradía del capón de Villalba" é unha asociación sen fin de lucro, creada polo avogado vilalbés co fin de divulgar as excelencias deste prestixioso manxar, que se en tempos estaba reservado exclusivamente para o tempo do Nadal, as técnicas actuais de conservación permiten o seu consumo durante todo o ano. É propósito do rector da Cofradía facer diversas degustacións en A Coruña, Pontevedra, Madrid, así como de novo na capital da provincia de Lugo.
Fotografías: Fernando Rey.
Ferrol é a primeira das 13 citas co libro e a lectura que terán os galegos e galegas en diferentes vilas e cidades das catro provincias. Tras esta cidade, recollerá o relevo Santiago de Compostela, do 2 ao 10 de maio; Lugo, do 13 ao 17 de maio; O Porriño, do 14 ao 17 de maio; Redondela, do 11 ao 14 de xuño, e Ourense, do 17 ao 20 de xuño. Xa no mes de xullo, Vigo abrirá o día 1, prolongándose ata o día 7, continuando en Ponteareas, desde o día 9 ata o 12, e en Rianxo do 23 ao 26. Finalmente, en agosto, as Feiras do Libro viaxarán ata A Coruña, do 1 día ata o 10; Viveiro, do día 13 ao 19; Foz do 20 ao 23, e rematarán en Monforte de Lemos, onde se celebrará do día 26 ao 29 de agosto.
O número de persoas en Galicia que le ocasional ou habitualmente na nosa lingua medra en case nove puntos ata acadar o 72 %, isto é, sete de cada dez galegos. Ademais deste incremento do 13 por cento na lectura ocasional ou habitualmente en galego con respecto ao ano anterior, o estudo de 2025 tamén revela a consolidación dunha Galicia lectora, reflectida no sindicadores que sinalan que o 96,5 % da poboación maior de 14 anos le en calquera medio e soporte, o que sitúa a nosa Comunidade nun 1,4% por enriba da media de España. Ademais, o 70 % destas lecturas son de libros.
