lunes, 26 de mayo de 2025
A Deputación da Coruña achega 50.000 euros para colaborar na terceira fase do financiamento do centro de servizos para a atención a persoas con sÃndrome de Down, que serve tamén como sede da asociación Down Compostela.
O acordo de cooperación foi suscrito polo presidente da institución provincial, Salvador Fernández Moreda e polo seu homólogo da Asociación Down Compostela, Juan MartÃnez, na sede da entidade en Santiago.
Con esta cantidade complétase a colaboración da institución provincial, que nos ultimos tres anos achegou un total de 180.000 euros para financiar o proxecto, cuxo orzamento total superou os 1,2 millóns de euros.
O centro presta atención a persoas pertencentes a 90 familias de 28 concellos das provincias da Coruña e Pontevedra, segundo os datos ofrecidos hoxe polo presidente de Down Compostela, Juan MartÃnez, quen destacou que a Deputación da Coruña foi unha das primeiras administracións, despois do concello de Santiago, en comprometer a súa axuda para a nova sede da entidade.
Pola súa banda, Salvador Fernández Moreda, expresou a súa satisfacción respecto á colaboración da institución provincial neste proxecto e gabou o proxecto educativo e de inserción sociolaboral das persoas con discapacidade alà acollidas. “Trátase dun proxecto feito con moito esforzo e traballo por parte dos pais das persoas con sÃndrome de Down”, afirmou Fernández Moreda que tivo tamén palabras de eloxio para as actividades desenvolvidas no centro e animou aos seus responsables a continuar nesta liña.
Tivo lugar a V edición do Foro de Directores de Informática, que reuniu aos responsables de dixitalización das 17 Comunidades Autónomas, onde se debateu o papel das administracións públicas para garantir que a intelixencia artificial beneficie a toda a poboación, con independencia das condicións sociais ou económicas. Os responsables autonómicos compartiron experiencias e analizaron os retos para a aplicación de tecnoloxÃas como a ciberseguridade ou a intelixencia artificial. Houbo, asà mesmo, unha sesión de traballo para analizar o futuro dos fondos europeos para avanzar na modernización tecnolóxica das rexións.
Desde o Xacobeo 21-22, máis de 2,5 millóns de persoas participaron nas actividades impulsadas baixo esta marca, que se consolidou como un motor económico e social. Este ano, os Concertos do Xacobeo acollerán case 100 eventos en máis de 50 localidades de toda Galicia, reunindo a 700 artistas de primeira liña, tanto internacionais como nacionais e galegos. A programación combinará grandes nomes da escena musical global, como Kings of Leon, Lenny Kravitz ou Alanis Morisette, con recoñecidos artistas galegos como Tanxugueiras, Guadi Galego ou Xoel López. A diversidade da programación, tanto en estilos como en formatos, permitirá atraer a públicos variados e reforzar a imaxe de Galicia como destino cultural dinámico, onde tradición e modernidade conviven nos escenarios.
