miércoles, 12 de agosto de 2026
A conselleira de Pesca e Asuntos Marítimos, Carmen Gallego Calvar, mantivo unha xuntanza en Santiago con representantes da Organización de Productores do Mexillón de Galicia (Opmega).
Durante o encontro, a titular de Pesca da Xunta fixo fincapé na necesidade de establecer un sistema de control exhaustivo do mexillón dende que sae da batea ata que chega ao consumidor. Opmega amosou o seu total apoio a esta iniciativa, que se levará a cabo través do convenio de colaboración que a Consellería asinou recentemente co Consello Regulador. Neste sentido, Gallego Calvar e a Organización de Produtores coincidiron na importancia de levar a cabo un control de calidade único e riguroso para todo o mexillón galego,
contribuindo así a mellorar a súa trazabilidade.
Por outra banda, durante a reunión Opmega trasladoulle á
conselleira a preocupación dos bateeiros ante as diferentes taxas portuarias que teñen que aboar pola súa ocupación da lámina de auga.
Carmen Gallego explicou a este respecto que a intención da Consellería é que exista unha única taxa para todas as rías que sexa percibida pola Xunta de Galicia e non polo Estado, tal e como sucede na actualidade.
Finalmente, os representantes do sector mexilloeiro manifestaron a súa inquedanza pola saída de mexilla de Galicia cara outros lugares. Neste sentido, a conselleira indicou que dende o seu departamento se está a traballar nun posible cambio normativo para dar resposta a esta situación.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
