miércoles, 12 de agosto de 2026
Mancomun.org-Iniciativa Galega polo Software Libre, proxecto da Consellería de Innovación e Industria que se realiza a través dun convenio de colaboración co Centro de Supercomputación de Galiza, vén de poñer a disposición de todos unha nova versión do paquete ofimático OpenOffice.org, cun corrector mellorado e
totalmente traducida ao galego. Este novo lanzamento enmárcase na súa liña de ofrecer de xeito constante produtos de software actualizados, no noso idioma e de xeito gratuíto e libre.
O OpenOffice.org 2.0.3 en galego vén acompañado dun novo corrector ortográfico con máis de 21 millóns de palabras recollidas co que mellora substancialmente ao anterior. Ámbalas dúas aplicacións pódense descargar libre e gratuitamente do portal www.mancomun.org e repartiranse en eventos de promoción do Software Libre e da lingua galega. O OpenOffice conta con todas as ferramentas ofimáticas básicas coma un procesador de textos, un xestor de follas de cálculo, un xestor de bases de datos ou un programa de presentacións. A próxima versión en inglés, de aparición inminente, tamén será traducida. O portal recibiu máis de 9.000 descargas das anteriores versións.
Mancomun.org- Iniciativa Galega Polo Software Libre pretende ser o punto de encontro das diferentes iniciativas sobre Software Libre que se están a desenvolver dende os diferentes ámbitos: institucional, empresarial, educativo, voluntariado, etc. A iniciativa ademais actúa coma Observatorio do Software Libre coa fin de estudar a realidade das empresas, os concellos, os centros educativos e a sociedade galega en
xeral, en relación ao uso das tecnoloxías abertas. O Observatorio ten desenvolvidas máis de 500 referencias relacionadas coa observación tecnolóxica, o papel do Software Libre nas pemes, as políticas e iniciativas ou grupos de usuarios de Linux. Por outra banda promove accións para a creación dunha industria tecnolóxica local baseada no Software Libre que axuden a promover a innovación e creen riqueza
no país.
Mancomun.org busca ofrecer de xeito libre e gratuíto un paquete de aplicacións básicas de uso común totalmente traducidas ao galego. Na mesma liña trabállase na creación dun grupo estable para a localización de software (tradución máis adaptación cultural dos programas informáticos) que dea unha resposta áxil e eficaz dende a comunidade do Software Libre á necesidade de tecnoloxías da información
na nosa lingua.
Recentemente o portal incorporou unha sección da súa web adicada en exclusiva a recoller as diferentes ferramentas lingüísticas e iniciativas existentes en Galiza para a tradución do software e o uso do galego en xeral. Confírmase así o Software Libre coma a mellor alternativa tecnolóxica para a normalización lingüística, a superación da fenda dixital existente en Galicia e a creación dunha potente industria de
software propia.
Sobre Mancomun.org
O portal Mancomun.org foi creado o dez de maio do 2006 pola Consellería de Industria a través da Dirección Xeral de Promoción Industrial e Sociedade da Información e coa colaboración do Centro de Supercomputación de Galicia (CESGA). Actualmente o portal recibe unha media de máis de 1.000 visitas diarias situandoa coma unha referencia en todo o Estado. Os eixos principais de mancomun.org están baseados nun modelo de traballo colaboración, aberto e estandarizado, público, transparente e de calidade.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
