domingo, 8 de noviembre de 2026
O secretario xeral de Comunicación da Xunta de Galicia, Fernando Salgado, asegurou que “publicidade e lingua aliméntanse mutuamente” e apostou polo uso do galego nos anuncios para potenciar “non só o idioma galego” senón a “creatividade do paÃs”. Salgado fixo estas declaracións na XII edición dos premios de Publicidade en Galego, celebrada esta noite en Santiago.
“O idioma galego conseguiu abrirse camiño no campo da publicidade e está a converterse nun referente para os creadores dos anuncios”, asegurou Salgado. Asà mesmo, puxo de manifesto que “a publicidade orixinal e ben ideada é unha das formas máis modernas, non só de transmitir a cultura da nosa sociedade, senón tamén de captar a atención da xente”.
Na súa intervención, destacou que arredor da publicidade “xermola toda unha cultura propia que se está a integrar nas tecnoloxÃas máis modernas e nas novas canles de comunicación como é o caso de Internet”. O secretario xeral apostou por “promover o uso do galego” aproveitando “as oportunidades que nos brinda a economÃa do coñecemento”. “Non podemos desperdiciar a oportunidade que as novas tecnoloxÃas nos brindan para que a nosa lingua sexa coñecida e, por qué non, descuberta por moitos navegantes da rede informática mundial”, advertiu Salgado.
Ao mesmo tempo, indicou que a “publicidade en galego” é na actualidade unha “exitosa estratexia de moitas empresas”, o que demostra que se trata “dun investimento que facilita a penetración dos seus produtos nunha máis ampla rede de mercados”. Segundo explicou o secretario xeral de Comunicación, “hai xa tempo” que as empresas multinacionais teñen na publicidade “un atranco” nos seus intentos de homoxeneizar as súas actuacións en diversos mercados polo que teñen que adaptar os seus produtos e as súas accións publicitarias ás caracterÃsticas sociais e culturais de cada paÃs ou rexión.
Para Fernando Salgado, trátase dunha “dura pugna entre a diversidade e a tendencia homoxeneizadora”, da “resistencia das culturas singulares a seren engulidas pola globalización que uniformiza usos, costumes, modas e hábitos”. Lembrou que “ata non hai moito tempo, a publicidade que utilizaba o noso idioma como vehÃculo de transmisión semellaba algo exótico” pero remarcou que “asumimos de contado o compromiso de darlle novos usos ao idioma milenario”, sobre todo “nun eido fundamental da sociedade actual como é o da publicidade”.
O titular da SecretarÃa de Comunicación da Xunta de Galicia congratulouse pola “consolidación” desta iniciativa dos premios de publicidade en galego e felicitou aos seus organizadores e aos premiados nesta edición.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas pelÃculas. Coa proxección de El pisito, de Marco Ferreri, comeza esta mesma tarde a ConsellerÃa de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardÃn de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
