sábado, 31 de octubre de 2026
A iniciativa foi liderada cientificamente polo profesor da USC Xabier Pontevedra Pombal, pertencente ao grupo de Estudos medioambientais aplicados ao patrimonio natural e cultural (GEMAP) e ao Centro de Investigación Interuniversitario das Paisaxes Atlánticas Culturais (CISPAC), e polo Centro Ibérico de Restauración Fluvial (CIREF).
A acción enmárcase no contexto de SpongeBoost, proxecto Horizon Europe que procura escalar a función “esponxa” dos ecosistemas de auga doce e solos: reter auga no territorio, amortecer extremos hidrolóxicos e xerar beneficios múltiples para sociedade e natureza mediante solucións baseadas na natureza.
Alta diversidade
Terras do Miño foi declarada Reserva da Biosfera no ano 2002 e abrangue 363.668,9 hectáreas (ha) e 26 concellos na conca alta do rÃo Miño. No seu ámbito intégranse espazos da Rede Natura 2000, entre eles a ZEC Serra do Xistral (22.964 ha), onde se localiza un conxunto salientable de queirogais húmidos, e o principal núcleo de turbeiras do sur de Europa.
Na estratexia global Wetlands for Life (2026–2035), Wetlands International aposta por fortalecer o seu traballo en 12 ‘flagship landscapes’ como territorios demostrativos nos que a acción sobre humidais pode acelerar cambios transformadores. A organización lembra que os humidais sosteñen servizos ecosistémicos de valor económico moi elevado, malia teren sufrido unha perda global moi significativa desde comezos do século XX.
Para Terras do Miño–Serra do Xistral, que é o único territorio europeo nesta rede, o recoñecemento tradúcese en visibilidade internacional, maior capacidade de cooperación técnica e impulso de proxectos de seguimento e restauración. Mais tamén supón unha responsabilidade: manter a integridade hidrolóxica das turbeiras, previr degradacións e demostrar resultados medibles de conservación e mellora ecolóxica.
“Este recoñecemento reforza o papel e a responsabilidade da USC na ciencia aplicada á conservación: as turbeiras son infraestruturas naturais para a auga, o clima e a biodiversidade, e a súa protección é unha prioridade compartida coa sociedade e coas administracións”, explican dende a iniciativa.
Conservación
SpongeBoost é un proxecto de Horizon Europe cun consorcio internacional que elabora unha folla de ruta e recomendacións para incrementar ou restaurar a retención natural de auga no territorio, aliñada coas polÃticas europeas de adaptación climática e conservación da biodiversidade.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trÃo do saxofonista e clarinetista cubano Paquito DÂ’Rivera. Neste mesmo escenario actuarán Abe Rábade, o dÃa 8, e Kenny Barron Trio, o 11. No CÃrculo das Artes sucederanse James Carter Organ Trio, o 5 de novembro; Jogo de Damas, o dÃa 6; Takuya Kuroda Quintet, o 7; Patricia Brennan Septet, o dÃa 12; Erik Truffaz & Antonio Lizana, o dÃa 13, e Clarence Bekker Band, o 14 de novembro.
O informe da Dirección Xeral de Saúde Pública da ConsellerÃa de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antÃxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
