sábado, 31 de enero de 2026
Todas as representacións desenvolveranse no Salón Teatro de Santiago de Compostela ás 20.30 horas e a entrada é de balde previo paso pola billeteira, que abrirá cada dÃa ás 19.00 horas.
A Universidade da Beira Interior de Portugal sobe o pano do Festival este luns 2 coa peza Ficções do interlúdio, de Rui Pires, unha obra en lingua portuguesa. O martes 3, a Companhia de Artes A Palhota de Mozambique representará Lutar para perder, de Ailton Zimila, de novo en portugués. A compañÃa Brinco de Venus da USC representará o mércores 4 Re-rosas, unha creación colectiva a partir da obra Rosas danst Rosas de Anne T. De Keersmaeker. Santa liberada, de Mario de la Torre, é a obra coa que o Grupo de teatro e danza da Universidade de Granada intervirá no festival o xoves 5.
O programa do Festival contará o venres 6 cun acto conmemorativo do 35º Aniversario da Aula de Teatro da USC. Finalmente, o sábado 7 a CompañÃa de Teatro da USC pechará esta cita emblemática da escena compostelá coa representación en galego de Irmás, de Pascal Rambert.
O Centro Galego de Arte Contemporánea foi elixido como insignia da cultura galega en 2025 polo Observatorio da Cultura da Fundación Contemporánea, o prestixioso informe elaborado coas valoracións de máis de 400 expertos e profesionais de toda España que mantén a Galicia como a sexta comunidade pola calidade e innovación da súa oferta, e superando por primeira vez o 20% dos votos. A Cidade da Cultura ocupa o segundo posto, mentres que Centro Dramático Galego comparte a terceira posición da clasificación co Festival Internacional Outono de Teatro, o Festival Sinsal e a Bienal de Pontevedra.
Galicia vén de pechar o ano 2025 cunha taxa abandono escolar do 10,4%, o que supón 0,4 puntos menos que o ano anterior e coloca á nosa Comunidade 2,4 puntos por debaixo da media estatal (que é do 12,8%), polo que se sitúa entre as autonomÃas cun mellor resultado neste eido. Asà pois, no último ano Galicia reduciu o dobre que o Estado esta variable que mide a porcentaxe de persoas entre 18 e 24 anos sen titulación superior á ESO. No que atinxe aos datos por sexos, a taxa é case o dobre no caso dos homes que das mulleres (13,5% fronte a 7,2%), polo que a ConsellerÃa de Educación, Ciencia, Universidades e FP establece medidas especiais no Plan FPGal360 para actuar neste colectivo.
