viernes, 16 de enero de 2026
A exposición consta de doce paneis conformados por textos e imaxes nos que se ofrece unha visión ampla da Muralla. O contido abarca o seu contexto histórico, a súa construción, as súas funcións, a súa evolución, o seu impacto urbano e as restauracións recentes. A mostra permanecerá en Viladonga ata o 31 de xaneiro, momento no que se instalará no Museo Universitario A Domus do Mitreo, tal e como explica a súa directora, Dolores Dopico, que participou na inauguración xunto coa directora de Viladonga, Elena Varela. Tamén interviñeron os dous comisarios, Diego Torres, arqueólogo do Museo de Viladonga; e Celso RodrÃguez Cao, arqueólogo director da escavación da Domus; o alcalde de Castro de Rei, Francisco Javier Balado; e o director territorial da ConsellarÃa de Cultura, Lingua e Xuventude, Manuel Antonio Fernández.
A profesora Dopico salienta que este foi un ano “moi especial para o Museo porque celebramos o 25 aniversario do descubrimento da Domus con diversas actividades e todo isto culminou coa entrada na Rede de Museos da Xunta de Galicia como museo arqueolóxico de sitio, o único da cidade de Lugo”.
Achado
No ano 1998, a Universidade de Santiago de Compostela decidiu situar a sede da VicerreitorÃa do Campus de Lugo no antigo Pazo de Montenegro. O control arqueolóxico previo á construción da VicerreitorÃa documentou a existencia de restos romanos que obrigaron a reformular as obras previstas e a realizar varias campañas arqueolóxicas entre os anos 2000 e 2007. A escavación, que se cinguiu a unha área duns 600 m², permitiu descubrir unha parte significativa dunha antiga domus romana e un espazo de culto relixioso, un Mitreo privado.
O Museo da Domus é un lugar privilexiado para contemplar a muralla romana, pois é o único punto en toda a cidade que permite observala ata os seus cimentos, xa que a escavación afondou sete metros por baixo do nivel do Lugo actual. Isto permitiu estudar a súa estrutura e métodos construtivos. Neste escenario é posible ver o zócolo de cimentación, os restos dos materiais empregados na súa construción (lousa, granito ou cuarcitas), o encalado exterior, as xuntas estruturais, as escaleiras de acceso interno ás torres ou as marcas deixadas polas diferentes collas que traballaron nela.
A conselleira do Medio Rural, MarÃa José Gómez, acompañada do delegado territorial da Xunta en Lugo, Javier Arias, mantivo este mediodÃa unha reunión con representantes das asociacións Agromuralla e Gandeiros Galegos da Suprema. Esta xuntanza enmárcase nos contactos permanentes que se veñen establecendo cos produtores da nosa comunidade e súmase ás mantidas con anterioridade, como a de onte en Ourense ou a do pasado 5 de xaneiro, co fin de coñecer as súas demandas e defender os seus intereses ante o novo acordo entre a Unión Europea e Mercosur. Seguindo esta liña, mañá venres está convocado o Consello Agrario.
A ConsellerÃa de Sanidade vén de publicar, na súa páxina web, o informe de actividade das infeccións respiratorias agudas correspondente á semana dúas do ano, que rematou o 11 deste mes, no que se sinala que a actividade gripal en Galicia rexistra unha intensidade baixa con tendencia decrecente. Respecto da semana anterior, a taxa de consultas por gripe descendeu un 4 % e fica en 72,7 consultas por 100.000 habitantes. Con todo, só se observou unha diminución da taxa de consultas no grupo de 20 a 59 anos, do 7,8 %. No caso do grupo de 5 a 19 anos rexistrouse unha suba do 13,9 %. O grupo coa maior taxa de consultas continúa a ser o de 0 a 4 anos, con 99,3 consultas por 100.000 habitantes.
