miércoles, 30 de abril de 2025
A través de contidos audiovisuais, cigus.gal proporciona información sobre as liñas de investigación, os proxectos en desenvolvemento e o impacto xerado por cada un dos centros. Recolle datos de contacto e un apartado específico para coñecer o programa de actividades, formación e accións transversais nos que participan os investigadores da rede. O obxectivo desta iniciativa é reforzar a visibilidade da Rede CIGUS como estratexia de promoción exterior, impulsando a proxección internacional da I+D+i das universidades galegas.
Apoio á investigación e retorno económico
A Rede CIGUS, modelo único en España e cofinanciada polo programa operativo Feder Galicia 2021-2027, reúne máis de 1.600 investigadores e logrou captar máis de 180 millóns de euros en proxectos competitivos nos últimos catro anos. O Goberno galego leva investidos preto de 68 millóns de euros nesta estrutura, cun incremento do 31% na convocatoria actual, na que oito centros renovaron a súa acreditación e dous se incorporaron á rede.
Os centros que conforman a Rede CIGUS son dous da Universidade da Coruña (CITIC e CICA), cinco da Universidade de Santiago de Compostela (CIQUS, IGFAE, CIMUS, CITIUS e CRETUS) e tres da Universidade de Vigo (AtlanTTic, CINBIO e CIM).
Impulso á ciencia galega
O lanzamento de cigus.gal enmárcase na estratexia do Plan Galego de Investigación e Innovación 2025-2027, recentemente aprobado pola Xunta de Galicia. Dotado con 1.310 millóns de euros, este plan establece medidas centradas no talento investigador, a transferencia de coñecemento, a mellora dos servizos públicos e a especialización, co obxectivo de consolidar Galicia como referente internacional no ámbito científico e tecnolóxico.
O conselleiro do Mar, Alfonso Villares, defendeu unha reforma da Política Pesqueira Común (PPC) para que esta se adapte ás necesidades da cadea mar-industria galega. Esta reforma debe incluír unha rexionalización da normativa europea e, por tanto, ter en conta as propostas e participación proactiva das autoridades rexionais na futura toma de decisións que se leven a cabo en Bruxelas neste senso. Así o expuxo este martes na reunión mantida ao máis alto nivel polo Comisario de Pesca e Océanos, Costas Kadis, co ministro de Agricultura, Pesca e Alimentación, Luis Planas, os responsables das comunidades autónomas do ramo, e as entidades representantes do sector pesqueiro, acuícola e das mulleres.
O presidente da Xunta, Alfonso Rueda, informou de que o Executivo autonómico aprobou hoxe 'solicitar formalmente un informe ao Consello Consultivo de Galicia' sobre 'as posibilidades legais' do traspaso das competencias para xestionar os permisos de traballo das persoas doutros países. O obxectivo é avaliar a posibilidade de asumir esta función en tres áreas concretas: as autorizacións iniciais para que unha persoa estranxeira poida traballar na comunidade, os permisos para traballos de tempada e os de larga estancia por motivos de estudos ou formación.
