domingo, 1 de noviembre de 2026
Esta xuntanza, que segue a tradición de encontros destacados no OAF, que xa acollera aquí o primeiro encontro de astrónomos afeccionados de Galicia en 2008 (AstroGalicia), representa un fito para a comunidade científica galega. Non se pode menos que destacar o éxito dunha xuntanza organizada casi que dun xeito espontáneo, polo tanto sin a antelación que merecería, con numerosas respostas de profesionais que por diferentes motivos non poideron asistir pero recordando que sí o farán en futuras convocatorias e agradecendo a iniciativa.
Este grupo diverso de profesionais galeg@s da astronomía reuniuse para compartir experiencias e proxectos, destacando a forza e vitalidade deste colectivo, que inclúe alomenos medio cento de membros. É importante subliñar que aproximadamente o 60% destes astrofísic@s traballa fóra de Galicia, en centros de investigación e universidades de prestixio, tanto en España como no estranxeiro.
Entre os participantes estiveron Daniel Galán Diéguez (doutorando no Instituto de Astrofísica de Canarias), Alejandro Cardesín Moinelo (Axencia Espacial Europea - Centro Europeo de Astronomía Espacial), Xabier Pérez Couto (doutorando na Universidade da Coruña), Alberto Peláez Torres (doutorando no Instituto de Astrofísica de Andalucía), Esther Pérez Fernández (IES de Beade e Universidade de Vigo), Eduardo Ojero Pascual (xubilado da Axencia Espacial Europea - Centro Europeo de Astronomía Espacial), Antón Baleato Lizancos (Universidade de California, Berkeley), Víctor Tilve Rúa (UNED), Ramón Iglesias Marzoa (Observatorio Astrofísico de Javalambre), Pedro Pablo Campo Díaz (Observatorio Astronómico Nacional) e Elia do Souto Espiñeira (Institut de Física d'Altes Energies - Universidade de Barcelona). Participaron tamén outros membros e colaboradores da FC3 como Benigno González, Hugo González, Cintia Cabada, Alejandro Ramírez, Ramón Rodríguez, Lucía Canda e Martín Bar.
A xornada comezou cunha recepción e merenda informal, seguida dunha presentación por parte de Carlos Viscasillas Vázquez e Ana Ulla Miguel que analizaron a situación da astronomía e astrofísica galega na diáspora, abrindo un animado coloquio. Tamén se discutiron propostas de colaboración entre profesionais e afeccionados, especialmente no ámbito da fotometría, destacando a importancia de fortalecer os lazos dentro da comunidade Pro-Am e deste xeito incrementar a aportación científica dos medios dispoñibles no Observatorio Astronómico de Forcarei.
Xa se están planeando futuras reunións para seguir fortalecendo os vínculos entre os astrofísic@s galegos, tanto en Galicia como no exterior, co obxectivo de fomentar a colaboración e o intercambio de coñecemento. Esta primeira xuntanza confiamos en que marcará o inicio dunha serie de encontros que, sen dúbida, enriquecerán a astronomía galega nos próximos anos.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
