miércoles, 30 de abril de 2025
As entidades estranxeiras presentes supoñerán un 9,9% do total. Estes expositores, entre os que se atopan moitas das empresas máis importantes dos seus respectivos sectores, ocuparán os dous pavillóns principais do recinto, sendo a superficie neta conxunta de 7.441 metros cadrados.
Por outra banda, os seus programas acollerán case un centenar de conferencias nas que intervirán 120 expertos de distintos ámbitos, ademais de moitas outras propostas, como espazos de innovación, demostracións, talleres ou áreas divulgativas.
Enerxétika 2024
A cuarta convocatoria da feira de enerxía Enerxétika, apoiada pola Xunta de Galicia a través da Consellería de Economía, Industria e Innovación, contará con 270 firmas de 17 países, o que supón un 4% máis que na última cita, celebrada en 2022. Delas 110 son expositores directos de España, Portugal, Francia, México e Israel, un 23,6% máis que proceden do dobre de países que entón.
Entre estes expositores estarán presentes empresas de enerxías convencionais e renovables e dos ámbitos da eficiencia enerxética, mobilidade sostible, material e equipos para instalacións, electrónica industrial ou servizos.
Enerxétika 2024, que conta co patrocino de Red Eléctrica, incluirá un atractivo programa onde as xornadas serán unha peza clave. Serán preto de 70 que se agruparán en 27 xornadas que profundarán en temas como almacenamento de enerxía e transición enerxética en Galicia, a biomasa como unha oportunidade estratéxica para Galicia, política enerxética en Portugal, o mercado eléctrico chileno, hidróxeno verde, rehabilitación enerxética integral de edificios, mobilidade eléctrica, instalacións de autoconsumo ou xeotermia, entre moitos outros.
Ademais, o programa volverá contar co SIE, o Salón de Innovación Enerxética, espazo que se centra en poñer en valor proxectos innovadores no ámbito da sustentabilidade, a eficiencia e as enerxías renovables, e que nesta ocasión mostrará 11 proxectos. Sumaranse destacados encontros sectoriais de entidades que apostan pola feira para reunirse e levar a cabo diversos actos.
Por outra banda, a feira acollerá unha gran área divulgativa centrada nos distintos tipos de enerxía e a eficiencia enerxética. Incluirá zonas temáticas con demostracións, actividades, paneis informativos e espazos de proxección tanto para aprender sobre enerxía en xeral como para coñecer medidas de aforro e eficiencia aplicadas á nosa vida cotiá. Desenvolverá ademais un programa específico para escolares.
Outra interesante proposta para público xeral será a posibilidade de probar vehículos eléctricos, híbridos e de hidroxeno de última xeración e prestixiosas marcas.
A primeira cita de ExpoMunicipal
A Feira de Servizos Municipais, ExpoMunicipal, estréase no recinto con 250 firmas expositoras de 18 países, dos cales 71 son expositores directos de España, Portugal, Italia, Francia, Andorra e República Checa. Unhas cifras notables que ademais dotan xa a esta primeira cita dun importante carácter internacional.
Este certame, cuxa organización conta co apoio da Vicepresidencia Primeira e Consellería de Presidencia, Xustiza e Deportes da Xunta de Galicia, dará resposta ás necesidades e retos dos municipios ante o actual escenario social, que esixe cidades máis sostibles, eficientes, accesibles, seguras e verdes.
Para iso, a súa área expositiva mostrará o último en equipamento e servizos municipais de man de empresas líderes centradas en mobiliario urbano, limpeza, ciclo da auga, xestión e tratamento de residuos, medio ambiente, enerxías alternativas, obra pública, sinalización, xardinería e paisaxismo, mobilidade urbana, instalacións deportivas e de lecer, iluminación, xestión cultural, tecnoloxía, xestión documental, concesionarias, alugueiro e venda de maquinaria, subministracións ou consultoría. Unha oferta que permitirá que alcaldes e corporacións municipais, técnicos, enxeñeiros ou consultores coñezan todo tipo de posibilidades.
A feira, que conta co patrocinio de Ferrovial, será así un atractivo escaparate, pero tamén un foro de reflexión sobre temas de actualidade. No seu marco desenvolverase o congreso Concellos 2030, cuxos temas centrais serán o ciclo de auga, o aforro enerxético, a xestión dos residuos e a mobilidade urbana, piares básicos para conseguir concellos máis sostibles. Participará unha trintena de relatores en máis de 20 conferencias e mesas redondas, nas que se falará de aspectos como a Axenda 2030, a estratexia galega de biorresiduos, o límite legal para as novas taxas e ordenanzas ambientais, implantación de materia orgánica, a axenda enerxética galega, a nova lei de mellora da xestión do ciclo integral da auga ou a mobilidade urbana.
Sumaranse demostracións que mostrarán as utilidades de distintos produtos e servizos. Entre elas, de limpeza viaria de alta presión con maquinaria de gran autonomía e mínimo impacto, aspiración de follas con equipos de alta capacidade, triturado de ramas con máquinas dotadas de amplas tolvas, roza con mecanismos de control remoto sobre orugas, desatasco con dispositivos de presión ou simulación de limpeza de praias con innovadores equipos. Tamén se poderá ver o funcionamento de softwares de detección de irregularidades catastrais mediante o uso de intelixencia artificial.
A Filmoteca de Galicia inicia en maio unha retrospectiva arredor do actor italiano Marcelo Mastroianni como parte dunha carteleira na que tamén sobresaen as visitas de dous destacados nomes do actual panorama cinematográfico estatal: Alauda Ruiz de Azúa e Albert Serra. A oferta mensual da cinemateca da Xunta arranca este venres 2 con Corazón Salvaje, que se exhibe na recta final da homenaxe que se lle está a dedicar ao director David Lynch tralo seu recente pasamento. A nova programación inclúe tamén un repaso ás tres longametraxes do cineasta galego Raúl Veiga e a habitual colaboración co festival Play-Doc de Tui, que desta volta pon o foco en dúas figuras do cinema independente norteamericano: Monte Hellman e Elaine May.
Ou Yeah! é unha nova iniciativa arraigada no territorio, comprometida coa súa xente e deseñada para proxectar Ourense ao mundo. A súa esencia é a transformación: do local ao global, do tradicional ao contemporáneo, do escenario ao prato, do concerto ao encontro. Deste xeito, o festival, que ten como columna vertebral o rock, entendido nun sentido amplo, plural e actual, conxuga música, gastronomía, identidade e impacto territorial. Ou Yeah! espallarase pola provincia de Ourense entre os meses de xullo e outubro de 2025. O primeiro concerto terá lugar na capital da provincia, na explanada de Expouerense, o sábado 12 de xullo, da man de bandas de referencia internacionais, nacionais e galegas como The Waterboys, Morgan, Escuchando Elefantes e Tesouro.
