Notas de prensa

As tres Universidades e a Xunta modernizarán infraestruturas e servizos nos sete campus

Os reitores das tres universidades públicas galegas, Antonio López (USC), Julio Abalde (UDC) e Manuel Reigosa (UVigo) asinaron este luns 27, xunto ao conselleiro de Cultura, Educación, FP e Universidades, Román Rodríguez, dous convenios de colaboración para apoiar a dixitalización e mellora das infraestruturas das tres institucións académicas.

O primeiro deles supón a primeira inxección do novo Plan de infraestruturas para renovar e construír facultades e centros; mentres que o segundo convenio, incluído na folla de ruta de financiamento, está dirixido a apoiar a dixitalización e mellora da sostibilidade das instalacións.

“Este é un convenio importante e especial porque o plan de financiamento cubre as necesidades ordinarias do funcionamento diario das universidades pero existen outras que non se poden cubrir como é o caso das infraestruturas”, explicou Antonio López, en relación ao primeiro dos convenios asinados este luns. O novo Plan de infraestruturas é a xuízo de Antonio López “unha peza fundamental no financiamento do sistema universitario do SUG”, do mesmo xeito que tamén é crucial o acordo en materia de dixitalización.

Tal e como explicou o responsable autonómico de Educación, estes acordos van permitir “modernizar os servizos e instalacións dos sete campus para consolidar a excelencia e calidade destas institucións”. “Os galegos temos que estar orgullosos das nosas universidades e do traballo feito na última década, pero a nosa obriga e seguir unindo esforzos cun obxectivo común: ofrecer aos estudantes as mellores condicións para o seu desenvolvemento económico e persoal”, salientou Román Rodríguez.

No caso concreto da Universidade de Santiago de Compostela, a achega centrarase en proxectos como a construción do novo centro de Ciencias da Saúde, a reforma da Facultade de Medicina e Odontoloxía, a reforma integral da Facultade de Química e a reorganización, reforma e ampliación do Complexo Docente do Campus de Lugo.

O primeiro deles será un complexo enerxeticamente eficiente que acollerá os estudos de Enfermaría, Farmacia, así como investigación en Ciencias da Saúde. A actuación do Campus de Lugo, pola súa banda, inclúe a reorganización, reforma e ampliación do Complexo Docente para acoller a Facultade de Formación do Profesorado e a de Humanidades, ademais das escolas de Enfermaría e Relacións Laborais. Esta actuación complétase cun pavillón para a docencia de educación física, así como outras dependencias específicas.

Tamén está prevista a actualización do repositorio institucional Minerva para facilitar a difusión dos artigos, teses e demais formatos ou a implantación dun módulo específico para a xestión de recursos humanos da investigación que permitirá incorporar a información específica dos contratos de investigación á xestión xeral de recursos humanos.

Universidade de Santiago de Compostela (USC), 2023-11-27

Actualidad

Foto del resto de noticias (arte-multiple-uvigo.jpg) A característica fundamental de artes gráficas como o gravado é a existencia dunha matriz a partir da que poden xerarse diferentes obras. Partindo dese elemento, a propia evolución da arte contemporánea e os avances tecnolóxicos transformaron nas últimas décadas a noción de arte múltiple, cara o que o grupo dx5 (Digital & Graphic Art Research), da UVigo, denomina 'gráfica de campo expandido', concepto que tamén fai referencia a como a gráfica contemporánea abandona o seu carácter bidimensional para 'conquistar o espazo'. Para afondar nestas ideas, o grupo promove o VIII Foro Internacional de Creación na Fronteira 'O múltiple que ocupa o espazo', con tres exposicións, conferencias e intervencións no espazo público.
Foto de la tercera plana (praias-05.jpg) Galicia contará este ano cun total de 114 praias pertencentes a 35 municipios galardoadas coa bandeira azul, un distintivo de carácter internacional co que a Asociación de educación ambiental e do consumidor recoñece a areais de todo o mundo seleccionados en base a rigorosos criterios de sustentabilidade, accesibilidade e servizos. Galicia concentra case unha de cada cinco bandeiras concedidas en España (638) e consolida a súa posición entre as tres comunidades que reciben un maior número de distintivos para as súas praias, xunto con Valencia (que suma 138) e Andalucía (130).

Notas

Galiciencia, a maior feira científica que se celebra na nosa comunidade, arrancaba esta mañá no Parque Tecnolóxico de Galicia baixo o lema “Mellor, de Madeira” e prolongarase ata o venres. O seu obxectivo é espertar as vocacións científicas entre o alumnado de Primaria, Secundaria, Educación Especial, FP e Bacharelato.
Corufest, o festival de artes escénicas pola diversidade afectivo sexual, inaugura este xoves 9 de maio a súa sétima edición cunha completa programación de actividades culturais e artísticas que achegarán ata o próximo 19 de maio á cidade da Coruña a figuras emerxentes e referentes das artes escénicas e do activismo cultural LGTBIQ+ do panorama galego, nacional e internacional.
PUBLICIDAD
ACTUALIDAD GALICIADIGITAL
Blog de GaliciaDigital
PUBLICACIONES