miércoles, 15 de octubre de 2025
Precisamente para abordar estes desafíos, a Cátedra Telefónica da Universidade de Vigo celebrará o vindeiro 24 deste mes no edificio Citexvo unha xornada na que se analizará o papel do goberno, as empresas e as universidades para conseguir egresados preparados para posicionarnos como líderes do mercado, como destacan dende a organización. O talento é a base do desenvolvemento empresarial e económico dunha rexión e é imprescindible para conseguir o crecemento e a competitividade necesaria para ser líderes nun mundo globalizado.
Programa da xornada
A xornada será inaugurada polo reitor da UVigo, Manuel Reigosa, ás 09.30h. xunto co director da cátedra, José Cidrás, e abordará os retos do talento e a innovación na era da transformación dixital, coa participación tamén de representantes da Universidade, empresas e a administración. De seguido haberá outra intervención sobre a transformación dixital a través de solucións innovadoras con talento, incluíndo unha visita virtual ao espazo LaCabina.
Tras un descanso, terá lugar unha mesa de debate sobre as novas habilidades nas que é necesario formarse para potenciar o talento e a innovación, na que intervirá Natalia Caparrini, vicerreitora de Estudantado e Empregabilidade xunto con asociacións da universidade.
O evento pecharase coa entrega dos Premios da Cátedra Telefónica UVigo, tanto os coorespondentes ao Hack for Good 2022 como os Premios TFM Innovacion Sostenible 2021-2022. O peche correrá a cargo do reitor Manuel Reigosa e de Elena Rivo, conselleira de Promoción de Emprego e Igualdade da Xunta de Galicia.
A Empresa Común Sesar JU (Single European Sky ATM Research Joint Undertaking) é unha asociación público-privada europea que ten como obxectivo modernizar a xestión do tráfico aéreo en Europa, impulsando o concepto de 'Ceo Dixital Europeo'. O seu obxectivo é acelerar a transformación dixital do sector, unificar o espazo aéreo europeo e aumentar a súa capacidade para manexar o tráfico futuro. Forman parte dela a UE, Eurocontrol (Organización Europea para a Seguridade da Navegación Aérea) e máis de 50 organizacións que abranguen toda a cadea de valor do sector da aviación: aeroportos, provedores de servizos, operadores de drons, industria e comunidade científica.
Un total de 177 adegas e empresas acollidas ás denominacións de orixe e indicacións xeográficas protexidas de viños, augardentes e licores tradicionais da nosa comunidade participan nas catas oficiais deste 2025. As precatas dos viños das DO prolongaranse ata este mércores e correrán a cargo de catadores dos propios paneis de cata dos consellos reguladores de Rías Baixas, Ribeiro, Monterrei, Ribeira Sacra e Valdeorras. As precatas do resto de categorías e as catas finais realizaranse do 21 ao 23 deste mes de outubro, por parte de catadores, sumilleres, enólogos e profesionais vinculados ao sector, pero que non pertencen aos paneis das D.O.
