jueves, 25 de abril de 2024
Deste xeito presenta a profesora da Facultade de Ciencias da Educación e do Deporte Eulalia Agrelo o que será o fío condutor do V Congreso Internacional de Mediación Lectora, que se desenvolverá no Pazo da Cultura nas tardes do 20 e o 27 de abril, así como o 4 de maio, baixo o título de Libros (tamén) para xogar. O binomio entre literatura e xogo e como este se fai patente no xogo infantil, na narrativa e noutras linguaxes artísticas articulan o programa dun congreso dirixido a achegar diferentes reflexións e experiencias aos diferentes axentes que exercen como mediadores entre os libros e a infancia e mocidade.
Inserido nas actividades do Salón do Libro Infantil e Xuvenil, o congreso recupera neste 2023 o seu formato previo á pandemia, no que as diferentes conferencias se ven complementadas por unha serie de obradoiros. A programación é moi diversa e variada porque conta a mediación lectora desde moitas perspectivas, como son o videoxogo, a radio, o teatro, a arte, a narración oral, a poesía ou a ilustración, sinala Agrelo dun congreso que contará coa participación de dous premios nacionais, Ismael Ramos e Ana Garralón, e coa intervención por videoconferencia do pedagogo Francesco Tonnucci. Promovido polo Concello de Pontevedra, a Vicerreitoría do campus, a Facultade de Ciencias da Educación e do Deporte, a rede de investigación Las Literaturas Infantiles y Juveniles del Marco Ibérico e Iberoamericano (Lijmi) e o Instituto de Ciencias da Educación da USC, o congreso contará con 100 prazas e abrirá este mércores ás 12.30 horas o seu período de inscrición. Estas poden realizarse a través da web do Salón do Libro, no caso do público en xeral, mentres que o profesorado en activo deberá facelas a través da plataforma fprofe, co código P2214002.
Do xogo coas palabras á capacidade transformadora da lectura
Entre os conferenciantes desta edición atópase o Premio Nacional de Poesía Joven Ismael Ramos, que o xoves 20 centrará o primeiro relatorio do congreso nos seus comezos no terreo poético desde o xogo coas palabras. Tamén nesta xornada, a capacidade transformadora da lectura será o eixe do relatorio de Diego Alejandro Ruíz, un dos representantes do país convidado nesta edición do Salón do Libro, Colombia.
O 27 de abril, o congreso contará coa participación da Premio Nacional de Fomento da Lectura Ana Garralón, quen se aproximará á visión da literatura como xogo, mentres que o 4 de maio Paco Veiga e Manuela Vázquez disertarán sobre os xogos nos libros desde a perspectiva da identidade e do patrimonio lúdico. Esta última xornada contará tamén coa intervención de Francesco Tonnucci, que incidirá na pertinencia e valoración do xogo, como destaca Agrelo.
Iniciativas que levar ás aulas
Logo de varias edicións marcadas pola pandemia, o congreso recupera neste 2023 o seu programa de obradoiros, con doce propostas ao longo das súas tres xornadas, dirixidas a que as persoas implicadas na mediación poidan enlazar o formativo, o reflexivo e o experimental, como salienta a responsable do comité organizador. O profesorado demanda moito este formato, que lle permite ter coñecementos prácticos de iniciativas de mediación lectora para aplicar ao seu alumnado, engade Agrelo.
Nese senso, as relacións entre o xogo, a palabra literaria e os diferentes soportes serán os eixes dos talleres que impartirán Diego Alejandro Ruiz, a narradora oral colombiana Carolina Rueda e Raquel Queizás. Outras propostas focalizaranse na ensamblaxe entre a imaxe, a creatividade o xogo, como é o caso dos talleres de Iván R. e das artistas e profesoras da UVigo Itziar Ezqueita e Begoña Paz. Por outra banda, a actriz Esther Carrodeguas explorará a expresión teatral como xogo, mentres que o ilustrador Hematrocrítico afondará na escritura divertida e Ana Garralón centrará o seu obradoiro na lectura de libros informativos. Así mesmo, o tratamento doutras linguaxes e soportes será abordado por Rede Espora, quen se centrará na radio e podcasting para a mediación lectora, e por Silvia López, quen convidará a indagar nas posibilidades dos videoxogos nas aulas. Finalmente, literatura infantil e inclusión serán o eixe do taller impartido por Sonia Hermida, mentres que Manuela Vázquez porá o foco no xogo nos patios inclusivos.
A formación dos futuros mediadores e mediadoras
Alén dos diferentes perfís profesionais, Agrelo destaca o interese deste congreso para o alumnado da Facultade de Ciencias da Educación e do Deporte, dado o papel que deberán xogar como mediadores e mediadoras no seu futuro como docentes. Nese senso e grazas á colaboración co Concello, estudantes do Grao en Educación Infantil participan nestas semanas nunha serie de visitas á Cova dos Libros Fantásticos, no Pazo da Cultura. A idea, na que participan diferentes grupos de estudantes da materia Didáctica da lingua e a literatura infantil, é que poidan coñecer tanto este espazo como as diferentes iniciativas que se desenvolven nel, á vez que os propios materiais que nel se reúnen, posibilitando unha aproximación aos contextos reais nos que se desenvolve a mediación lectora, sinala Agrelo.
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O Instituto Nacional de Estatística (INE), publicou hoxe os datos referidos aos establecementos hoteleiros no mes de marzo, nos que a Semana Santa contribuiu a que o sector hoteleiro galego consolidase a crecente mellora da súa rendibilidade. En concreto, segundo o INE, a rendibilidade hoteleira medrou en marzo un 15%. Con estas cifras estímase que o sector hoteleiro obtivo uns ingresos totais de 21,9 millóns de euros ese mes, cifra que supera nun 23% o dato de marzo do ano pasado, que non coincidiu coa Semana Santa, que fora en abril. Tamén medrou con respecto ao valor previo á pandemia, cando se facturaron preto de 16 millóns de euros. En canto ao número de viaxeiros, o segmento hoteleiro presentou un comportamento positivo en Galicia en marzo.
