martes, 11 de agosto de 2026
O equipo investigador liderado por Beatriz Pelaz, responsable do proxecto na USC e investigadora principal no CiQUS, encargarase da preparación de axentes de contraste que sexan capaces de identificar estas células persistentes.
Cando un tumor se volve resistente, o tratamento contra o cancro pode deixar de funcionar. A miúdo, a orixe desta recaída atópase en determinadas células, capaces de desenvolver resistencia aos fármacos empregados para sobrevivir ao tratamento. Localizar e identificar ditas células cando aínda non xeraron o tumor representa un enorme reto ao que a ciencia pretende facer fronte a través de investigacións como a que acaba de poñerse en marcha esta semana a través do proxecto REAP.
Os diferentes equipos traballarán no desenvolvemento dun dispositivo que combinará técnicas avanzadas de optoacústica, coherencia óptica e microscopía de dous fotóns. Ao mesmo tempo, deseñaranse sofisticadas nanopartículas coas propiedades idóneas para poder ser detectadas mediante o novo sistema multimodal xerado. Unha vez sintetizadas ditas partículas serán transformadas en axentes de contraste capaces de recoñecer selectivamente as células persistentes en modelos preclínicos.
O noso traballo é asegurar que estas nanopartículas sexan adecuadas para detectar as células persistentes funcionando como axentes de contraste eficientes explica Beatriz Pelaz. Modificaremos a súa superficie para asegurarnos que son compatibles a nivel celular, darémoslles a estabilidade coloidal necesaria para que realicen a súa función e tamén capacidade de recoñecemento para detectar estas células, engade. O seu grupo, que tamén realizará estudos de nanotoxicoloxía para comprobar a biocompatibilidade destes materiais, conta con ampla experiencia na síntese e caracterización de nanomateriais, modificando a súa superficie para facelos bioloxicamente activos.
Academia e industria
O proxecto ERAP enmárcase no programa de traballo Information and Communication Technologies de Horizonte 2020 para o desenvolvemento de tecnoloxías disruptivas na área da fotónica. Coordinado pola Universidade Médica de Viena, academia e industria danse a man no proxecto REAP para lograr avances significativos no campo da enxeñería biomédica e a tecnoloxía láser, con obxectivo de revelar os mecanismos subxacentes á resistencia desenvolvida por estas células fronte aos tratamentos antitumorais. Aproveitando a experiencia nas súas respectivas áreas, o consorcio está formado por catro universidades, catro empresas e un centro tecnolóxico que traballarán de maneira conxunta durante os próximos catro anos no desenvolvemento dos novos sistemas de bioimaxe e axentes de contraste.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
