miércoles, 24 de junio de 2026
Unha iniciativa que ten como obxectivo impulsar e apoiar o turismo, hostalaría e comercio da Coruña e poñer en valor os negocios e pequenas empresas locais durante este Nadal, que dá aos coruñeses a oportunidade de regalar produtos da súa cidade nestas datas á vez que apoian aos seus veciños.
Agasalla Coruña (www.agasallacoruna.com) é un escaparate en liña ao dispor dos comerciantes e hostaleiros da cidade dedicada á venda de experiencias de turismo, comercio e gastronomía na Coruña. A través deste site, o usuario pode comprar bonos experiencias para regalar, tanto en formato individual como en experiencias cruzadas, para fomentar as compras do Nadal no comercio local e de proximidade.
Preto de 80 negocios coruñeses están presentes nesta web que está clasificada en diferentes categorías para axudar ao usuario para realizar as súas compras en función dos seus gustos e preferencias: Estancias (hoteis), Gastro (hostalería), Moda (tendas de moda e complementos), Mimos (centros de estética, de coidado e adestramento persoal), Cultura (librerías) e Lecer (Museo MEGA-Estrela Galicia). Todos os participantes contan cun bono en formato individual e tamén en formato experiencias cruzadas, packs conxuntos nos que se combinaron diferentes sectores, pensados para os clientes que busquen agasallos diferentes e co selo da nosa cidade.
O turismo comeza na propia cidade. O mellor turista é o coruñés que amosará a súa cidade ao resto da cidadanía sinalou Juan Ignacio Borrego, concelleiro de Relacións Institucionais, Turismo e Seguridade Cidadá que engadiu que "Este é o camiño para poñer o local en valor". Pola súa parte, Diana Sobral concelleira de Comercio, Mercados e Barrios engadiu Para o Concello é fundamental apoiar este tipo de iniciativas porque os nosos pequenos comercios, bares e restaurantes fan barrio e dannos a vida.
Lanzada Calatayud, xerenta do Consorcio de Turismo da Coruña finalizou: A nosa idea é que se sae ben Agasalla Coruña veña para quedarse. Foi un traballo contra o reloxo e non podemos máis que agradecer a todos os que participaron na súa execución e tamén aos 77 establecementos participantes.
Na presentación tamén se proxectou o vídeo de presentación no que se mostra como unha neta regálalle ao seu avó plans cos que compartir tempo cando sexa posible facelo. Na campaña de comunicación tamén participou o presentador Luís Piedrahita. Esta iniciativa, ademais, é posible grazas á colaboración de HOSPECO (Asociación Empresarial de Hospedaxe da Coruña) e a Axencia de Viaxes Orzán.
Iniciativa solidaria
Ademais Agasalla Coruña recadará fondos para institucións sociais da nosa cidade. Todos os usuarios que realicen as súas compras a través de Agasalla Coruña poderán, por 1 máis, adquirir unha bolsa de tea solidaria con fins benéficos xa que o 100% da recadación das bolsas doarase integramente a organizacións benéfico sociais da cidade.
Arredor de 80 establecementos
Os establecementos e comercios participantes son:
Hotel Attica 21, Hotel Avenida, Hotel Plaza, Noa Boutique Hotel, Double Tree by Hilton, Hotel Meliá María Pita, Hotel NH Collection A Coruña Finisterre, Hotel Carrís Marineda, Hotel AC Coruña y Hotel Ibis Styles.
Pracer, Culuca, Salitre, Peculiar, Pablo Gallego Restaurante, Buenasuegra, O Lagar da Estrela, Restaurante Bido, Restaurante Hünico, Abica, Tavernier, Leviandier&Pablo Pizarro, Nana Pancha, Pandelino, Habaziro, La Parda, La Penela, Pulpeira de Melide, Millo Orzán, Árbore da Veira, Terreo Cocina Casual, Óvera, Taberna 5mares, IngooCo, La Granera, La Urbana, Astoria, Búnker, Milagro, La Cúpula y Bombonería Praliné.
Ana Rancaño, 14 Oz, Paülas, Castro Seis, Ai! Carmiña, La Florería, La Cigüeña Waby, Joyería Obradoiro, Pilar y Carmen, La Casita del Palomar, Luna Lunera, Mimos Moda Infantil, Blush, Castor Pólux, Ópticos Castro y Muñeca de Trapo.
Peluquería Mábaka, Salón Concept Hair, Peluquería Maryl, Niuno, Termaria Casa del Agua, Yves Rocher, Salud y Conocimiento, Fitness Coruña, La Crema Estética, Naw, Pilates Riazor, Centro Pilates, Prana Studio Yoga, Parafarmacias Castro y Droguería Villar.
Librería Nóbel, Librería Santos Ochoa y Mega.
Sobre Agasalla Coruña
Agasalla Coruña é unha iniciativa promovida por Turismo da Coruña nacida en decembro de 2020 que ten como obxectivo dinamizar o comercio, os hoteis e a hostalería local e fomentar as compras nos negocios de proximidade poñendo en valor as pequenas empresas e marcas locais. Agasalla Coruña é para que os coruñeses compartan, recomenden e regalen lecer, cultura, gastronomía, sensacións e experiencias a golpe de clic a través de www.agasallacoruna.com.
A Xunta de Galicia vén de remitir ás organizacións sindicais a proposta para adiantar a 2028 a redución de ratios na etapa de Secundaria, que será abordada na Mesa Sectorial Docente que terá lugar o vindeiro día 30. A documentación elevada pola Consellería de Educación, Ciencia, Universidades e FP recolle que a partir de setembro de 2028 implantarase a redución de ratios ata 25 alumnos por aula na ESO fronte aos 30 vixentes no conxunto de España. Esta diminución arrancará para 1º curso de ESO e irá implementándose ano a ano e curso a curso. Unha vez completada toda a etapa de ESO, arrancará a redución a 30 alumnos por aula en Bacharelato, fronte aos 35 a nivel estatal, aínda que en Galicia xa está a 33.
O presidente da Xunta, Alfonso Rueda, anunciou o nome dos galardoados coas Medallas Castelao 2026, despois de que o Consello aprobase concedérllelas ao músico Esteban Batallán Cons, á científica Mar Capeáns Garrido, ao atleta Adrián Ben, á propietaria dos restaurantes La Penela, María Barallobre, e á Fundación Andrea. É un dos recoñecementos máis importantes da nosa Comunidade. O Consello acordou recoñecer o traballo da Fundación Andrea, que apoia de xeito integral ás familias con nenos con enfermidades de longa duración, crónicas ou terminais.
