sábado, 14 de marzo de 2026
O xurado valorou que No encanto do aire é un poemario que, partindo das rúas de Compostela percorre o país con mirada silenciosa, por veces desolada, axudada polas pegadas da nosa tradición, historia e literatura.
Ademais de Antonio Fernández como presidente, o xurado estivo composto polos vogais: Lorena Couso Dopazo (concelleira de Cultura de Padrón), Anxo Angueira Viturro (profesor do Departamento de Filoloxía Galega e Latina na Universidade de Vigo e presidente da Fundación Rosalía de Castro), Manuel Lorenzo Baleirón (mestre no IES Macías o Namorado de Padrón), María Xesús Senín Fernández (profesora de lingua e literatura galega no IES Camilo José Cela de Padrón), Xosé Luís Axeitos Agrelo (filólogo, escritor, investigador e membro da Real Academia Galega) e María López Sánchez (filóloga, ensaísta e profesora asociada na Facultade de Ciencias da Educación da USC. A animadora cultural do Concello de Padrón, Beatriz Lorenzo Vázquez, participou como secretaria do xurado, con voz pero sen voto.
Autora
Guadalupe Gómez Arto, nada en Fisteus (Curtis) en 1972, é unha poeta e xornalista galega. Máis coñecida como Lupe Gómez, marchou con trece anos estudar o bacharelato á cidade da Coruña e máis tarde licenciouse en Ciencias da Información pola Universidade de Santiago de Compostela. Ten colaborado con El Correo Gallego e Galicia Hoxe, ademais de facer artigos e críticas de libros e de teatro.
Este VI certame poético Rosalía de Castro 2020 súmase a outros premios acadados nos últimos vinte anos, todos eles pola súa faceta como poeta. Entre esas distincións figuran o Premio da Crítica de poesía galega 2018 por Camuflaxe, o Premio Eusebio Lorenzo Baileirón de 2004 por Azul e estranxeira ou o Premio Johán Carballeira de 2003 por O útero dos cabalos.
Ademais da poesía, Lúpez Gómez ten cultivado tamén a narrativa (Fisteus era un mundo, 2001; Quero bailar, 2006), o teatro (Diario dun bar e Diálogos imposíbeis, editados en 2008 e 2011 por Laiovento), a literatura xuvenil (Querida Uxía, editado en 2004 por Luís Vives) e máis recentemente o epistolario (Fosforescencias, 2019).
A Xunta de Galicia puxo en marcha a plataforma PRESENTES.gal, unha ferramenta pública destinada a visibilizar o talento feminino galego e facilitar a presenza de mulleres expertas nos espazos de debate, coñecemento e divulgación. Impulsada pola Consellería de Política Social e Igualdade, esta iniciativa constitúe a maior comunidade dixital de mulleres profesionais de Galicia, co obxectivo de facilitar que organizadores de eventos, institucións, empresas ou medios de comunicación poidan localizar referentes femininos nos distintos ámbitos profesionais.
O proxecto, que leva por nome Ways, usa o concepto do Camiño de Santiago para conectar á cidadanía coa ciencia inspirándose no espírito de intercambio e mobilidade que caracteriza á Ruta Xacobea. Con esta finalidade, proponse converter o proxecto nun percorrido europeo que une tres rexións: Galicia (España), Pomorskie (Polonia) e Emilia-Romagna (Italia) a través das cidades de Santiago, Gdynia, Rávena e Módena. A Comisión Europea é a institución encargada da convocatoria, denominada Science Comes to Town e que acada a súa terceira edición. A través dela, financia iniciativas que achegan a ciencia á sociedade. Apoia a organización de eventos públicos como festivais, obradoiros ou actividades educativas co obxectivo de promover a cultura científica, fomentar o interese pola investigación e fortalecer a relación entre ciencia e cidadanía.
