lunes, 20 de abril de 2026
Este foro sirve de punto de encontro para que especialistas na materia aborden temas tan sensibles como A prostitución no corazón do capitalismo, título do relatorio da profesora da UDC, Rosa Cobo; ou Prostitución feminina e violencia en Cuba, título da intervención de Víctor Hugo Pérez Gallo, vicepresidente da Cátedra de Estudos de Xénero do Instituto Superior Mineiro Metalúrxico de Moa (Cuba). Abolicionismo: unha proposta feminista, a cargo de Zua Méndez e Teresa Lozano, tamén coñecidas como Towanda Rebels, creadoras dun vídeo no que denuncian os consumidores da prostitución, é outro dos contidos que nutren estas xornadas.
Un obradoiro sobre prostitución e violencias extremas, así como as mesas de debate Prostitución e violencia sexual extrema: Perspectivas múltiples e Lecer, prostitución e hipersexualización das mulleres e modelos alternativos de identidades de xénero, completan o programa das xornadas que se celebran os días 3 e 4 de outubro na Facultade de Ciencias da Educación. A cuestión da violencia extrema contra as mulleres é, tal e como afirman dende a organización das xornadas, a gran secuela das sociedades actuais, nunha época onde esta violencia no canto de diminuír parece mesmo ir en aumento e o que preocupa aínda máis é a banalización de certas formas, absolutamente vinculadas a esta violencia extrema contra as mulleres que non se perciben como tales. Este é precisamente o caso da prostitución e, se cabe, especialmente a súa consideración por parte das/os mozos que a consideran unha forma máis de lecer.
Inauguración
O acto inaugural das xornadas tivo lugar este xoves presidido pola vicerreitora de Comunicación, Cultura e Servizos, Mar Lorenzo Moledo. Na apertura, tamén tomaron parte Belén Liste, subdirectora Xeral para o Tratamento da Violencia de Xénero da Xunta de Galicia; Noa Díaz Varela, concelleira responsable de Educación, Mocidade, Igualdade e Políticas Lingüísticas do Concello de Santiago de Compostela; e Rita Radl Philipp, directora do Cifex. Estas sesións están financiadas con fondos do Pacto de Estado contra a Violencia de Xénero do Ministerio da Presidencia, Relacións coas Cortes e Igualdade.
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
