lunes, 21 de septiembre de 2026
Dous alumnos galegos compiten desde hoxe nas olimpíadas mundiais da Formación Profesional, as WorldSkills 2019, que se celebra entre o 22 e o 27 de agosto de 2019 en Kazán (Rusia). Trátase de Yamila Sidati Novo (CIFP Paseo das Pontes) e de Brais Mosquera Fuentes (CIFP Someso), que gañaron a medalla de ouro no campionato SpainSkills 2019, nas especialidades de Panadaría e Ebanistaría, respectivamente.
Yamila Sidati, que acude ao certame acompañada pola titora Avelina Amado Fernández, competirá na especialidade de Panadería, xunto con representantes doutros 18 países. Pola súa banda Brais Mosquera, acompañado polo titor Benigno Rafael García Amor, competirá na especialidade de Ebanistería, xunto con representantes doutros 29 países.
Ademais de formar parte da delegación española na competición, o alumnado galego conta co apoio da Consellería de Educación, Universidade e Formación Profesional nestas WorlsSkills.
Nesta edición do certame participan máis de 1300 competidores de 63 países diferentes, en 56 skills ou especialidades. A competición pode seguirse desde o Portal de FP e desde propia páxina web das WorldSkills 2019.
Medio milleiro de investigadoras e investigadores e máis de 150 actividades científicas nas sete cidades galegas: Vigo, Ourense, Pontevedra, Santiago, A Coruña, Ferrol e Lugo. Así se celebrará en Galicia a sexta edición da Noite Galega das Persoas Investigadoras, G-Night 2026, unha actividade na que a comunidade científica galega une talento e esforzos co obxectivo de achegar a ciencia á cidadanía e espertar vocacións científicas, ao tempo que se ofrecen propostas de lecer científico, cultural e educativo para toda a familia.
A Xunta de Galicia reclama ao Goberno central medidas estruturais de apoio ao sector agrogandeiro. Do mesmo xeito, esíxese que se teña en conta a realidade de cada territorio á hora de levar a cabo estas actuacións, que deben executarse de xeito urxente. Así o trasladou a conselleira do Medio Rural, María José Gómez, na Conferencia Sectorial celebrada en Madrid, na que se dirixiu ao ministro de Agricultura, Pesca e Alimentación, Luis Planas, para facer estas reclamacións. Alí, reafirmou tamén o compromiso do Executivo galego con este sector.
