viernes, 23 de octubre de 2026
Na presentación desta mañá, representantes do proxecto Morada Atlántica, expuxeron os avances levados a cabo ata o momento, explicando as principais características dos espazos que actualmente forman parte da Rede REMA. Pola súa parte, Raquel Lema Allo, concelleira delegada de Comercio, Hostalería e Turismo de Laxe, foi a encargada de presentar o Museo do Mar aos asistentes, que posteriormente desfrutaron dun percorrido guiado polos dez paneis divulgativos que conforman esta exposición itinerante.
O legado fotográfico dos Vidal
"O océano que nos une" amosa os puntos clave dos museos galegos incorporados á rede REMA nunha primeira fase de adhesión. No caso do Museo do Mar, destácase o incalculable valor da herdanza de dous fotógrafos locais: José Vidal Díaz e Plácido Vidal García, que capturaron a vida da Costa da Morte a través de máis de 67.000 imaxes. Un legado fotográfico que foi declarado recentemente Ben de Interese Cultural (BIC) pola Xunta de Galicia.
Percorrido pola Costa da Morte
Unha vez remate a exposición en Laxe, "O océano que nos une" trasladarase a outros puntos da Costa da Morte para poñer en valor o patrimonio mariñeiro dos seus espazos, como é o caso do prolífico traballo do eremita alemán Manfred Gnädinger, máis coñecido como "Man", os arquivos históricos dos pescadores da Confraría de Caión, a homenaxe á olería que se fai desde o Ecomuseo Forno do Forte ou o patrimonio marítimo de toda Galicia presente no Museo da Pesca de Fisterra.
O seu seguinte destino é Caión, onde permanecerá no Arquivo da Pesca do 29 de agosto ao 8 de setembro. A lonxa turística de Fisterra é o espazo elixido para acoller os dez paneis nesta localidade, do 12 ao 22 de setembro.
Tras unha breve estancia no Centro de Interpretación de Caldoval de Mugardos, "O océano que nos une" volverá a este territorio para visitar o Museo Man de Camelle, do 10 ao 20 de outubro. A exhibición rematará o seu camiño no Centro Cívico de Malpica, do 24 de outubro ao 3 de novembro.
Unha rede en evolución
A Rede de Espazos Museísticos Atlánticos é un dos eixos vertebradores de Morada Atlántica, un proxecto colaborativo impulsado polos oito Grupos de Acción Local do Sector Pesqueiro de Galicia, que inclúe entre os seus socios oito GALP de Portugal, tres de Andalucía e un procedente das Illas Canarias.
O proxecto Morada Atlántica foi aprobado pola Consellería do Mar e está financiado a través do Fondo Europeo Marítimo e de Pesca (FEMP).
A primeira etapa da xira de A Gaivota, ensaio aberto desenvolveuse do 12 ao 15 de outubro na sala Atahualpa do Teatro El Galpón de Montevideo, en coprodución con esta institución e no marco do Festival Internacional de Artes Escénicas de Uruguai, FIDAE. O programa comprendeu sete representacións nas que Déborah Vukuić compartiu escenario con Camila Durán e Claudia Trecu, que entraron no lugar das actrices galegas Uxía Suevos e Mercedes Castro. A magnífica resposta do público uruguaio contou cunha destacada presenza da comunidade galega, que converteu as funcións nun espazo de encontro arredor da lingua e da creación escénica de Galicia. Esta acollida precede a chegada á Arxentina, onde Déborah Vukuić compartirá escenario coas actrices locais Eugenia Alonso e Carmela Rivero.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
