jueves, 30 de abril de 2026
O público poderá coñecer ou afondar nos contidos das exposicións temporais, e sumarse ás visitas guiadas conducidas polo persoal de salas. Ademais, o Espazo Anexo acollerá a presentación do poemario ilustrado "hacialaluz: poesía, sonido, imagen". Todas as actividades son de entrada libre e gratuíta ata completar capacidade.
Visitas guiadas ás exposicións
Lugar: salas de exposición da planta baixa e do 1º andar
Horario: ás 12.00, 18.00, 20.00, 21.00, 23.00 e 00.00
DESTACADOS. Colección Telefónica e Coleccións Concello de Vigo
Salas de exposición da planta baixa
Unha selección de pintura, escultura e obra en papel das pezas máis significativas e icónicas da Colección Telefónica. As pezas reunidas no MARCO, sen seguir un estrito percorrido cronolóxico, permiten trazar unha breve panorámica dalgúns dos capítulos máis interesantes da historia da arte do século XX. Ademais, como valor engadido da mostra en Vigo, a través dunha coidada selección de obras procedentes das Coleccións do Concello de Vigo establécense vínculos e diálogos con creadores galegos renovadores, que deron paso á modernidade en Galicia.
XOSÉ LUÍS OTERO. Atlas de soidade
[Ciclo Metrópole. Perspectiva urbana da arte galega]
Salas de exposición do 1º andar
A proposta de Xosé Luís Otero para a cuarta achega do ciclo METRÓPOLE participa das dúas disciplinas clave na formación e posterior traxectoria do artista, a pictórica e a escultórica. A partir da seriación o artista logra confeccionar o paisaxístico pano de fondo da súa propia traxectoria vital. A exposición inclúe unha selección de obras de nova produción baixo o título Atlas de soidade, pezas todas elas realizadas nos últimos meses especificamente para esta mostra e para este lugar.
Documental RESCATADA. 68 anos agardando a memoria filmada
Patio 1 (planta baixa)
Un documento histórico filmado en 1951 e 1952, procedente dos arquivos da familia Beiras Cal, e recuperado do olvido por Miguel Piñeiro e o equipo da produtora Atlantis Multimedia. O filme inclúe unha reportaxe sobre o arquitecto Manuel Gómez Román e o seu acto de ingreso na Real Academia Galega, xunto a outras gravacións históricas realizadas polo intelectual galeguista Antón Beiras, a modo dun contra NODO destinado á cultura galega no exilio. O filme proxéctase en continuidade, acompañado pola voz do historiador Xurxo Martínez González.
Presentación do poemario ilustrado
"hacialaluz: poesía, sonido, imagen"
Lugar: Espazo Anexo (praza peonil posterior)
Horario: ás 20.30
Hacialaluz son palabras que provocan unha reacción musical e unha expresión gráfica. Xorde da necesidade de expresión de cada un dos seus autores: os versos de Constance Hurlé aparecen na escena xunto aos peiteados da guitarra de Rui Grenha; Juan Blanco xoguetea cos uns e os outros e convirte esta expresividade nun conxunto visual que se materializa nun libro. Este libro é o resultado dun meticuloso traballo que se presenta ao público en forma de concerto poético, xunto cunha mostra das imaxes da publicación. O seu carácter fresco e innovador fai de "hacialaluz" unha manifestación artística xenuina, un espectáculo para os sentidos incapaz de deixar ao público indiferente.
Ficha técnica:
Dirección e texto: Constance Hurlé
Composición musical: Rui Grenha
Ilustración e deseño: Juan Blanco Delgado
Intérpretes: Constance Hurlé & Rui Grenha
Comunicación: Chachacha Studio
Deseño gráfico: Juan Blanco Delgado
Editorial: La fábrica de libros
Fotografía e vídeo: Juan Blanco Delgado, Jesús LaFuente
Produción musical: Bea Besada Homestudio
Colaboración musical: Javier Pereiro GDjazz, Ricardo Díaz, Rubén Fernández, Xis Trío
Agradecementos: La Canalla, Agrupación Fotográfica Galega, CSA A Cova dos Ratos
A edición 2026 artéllase arredor dun formato expandido, con varias datas e localizacións ao longo da provincia, convertendo cada encontro nunha peza dun ecosistema cultural máis amplo. O 6 de xuño, en Expourense será a cita inaugural co rock lendario de Loquillo, o magnetismo vintage de Kitty, Daisy & Lewis e o fenómeno galego do momento, The Rapants. O 31 de xullo, na Praza da Veracruz do Carballiño a banda Burning, ofrecerá un concerto gratuíto; e o 4 de outubro, no Pazo de Deportes Paco Paz, o festival culminará o regreso de Luz Casal a Ourense. Loquillo, icona indiscutible do rock estatal con case cinco décadas de traxectoria, chega en plena xira do seu último traballo Corazones Legendarios, cun directo que revisita os grandes éxitos dunha carreira tan influente como extensa.
Galicia pechou o primeiro trimestre deste ano con máis poboación empregada que hai un ano. Neste sentido, os datos da Enquisa de Poboación Activa (EPA) publicados hoxe e relativos ao primeiro trimestre deste ano reflicten unha suba de 28.000 persoas ocupadas en relación ao ano pasado, lixeiramente superior á do conxunto do Estado e acadando, con 1.178.100, a cifra máis alta nun primeiro trimestre desde 2008. Ademais, a comunidade rexistra a maior taxa de emprego (49,30) nun primeiro trimestre en 18 anos e unha taxa de paro menor (8,96) que no conxunto de España (10,83). Ademais, as taxas galegas de paro feminino (9,51) e xuvenil (24,30) tamén son máis baixas que no conxunto do Estado.
