domingo, 5 de julio de 2026
Un grupo de persoas usuarias da asociación DOA Saúde Mental, que realiza as súas actividades nas localidades de Vigo e Cangas, estrea mañá, 16 de abril, a curtametraxe participativa “Se vende”. A estrea será un lanzamento na Internet que se realizará na canle de Youtube da asociación.
O resultado desta experiencia foi unha curtametraxe de terror rodada en Vigo que conta a historia dun fotógrafo dunha axencia inmobiliaria que ten a encarga de fotografar unha casa onde comezan a producirse sucesos estraños. Para a elaboración desta peza, os usuarios de DOA Saúde Mental exploraron a súa realidade, compartiron preocupacións e intereses e aprenderon a contar historias dende a súa perspectiva.
A semana pasada celebrouse a preestrea da curtametraxe nunha proxección realizada en Cangas dentro do ciclo de teatro afeccionado CITEAMOR, a cal recibiu unha calorosa e positiva acollida. Pola súa banda, a semana que ven subirase tamén á Internet un making off que explica como se fixo a curtametraxe e cales foron as impresións e as experiencias das persoas participantes.
VÃdeo participativo: unha metodoloxÃa que promove a participación
O vÃdeo participativo é unha metodoloxÃa de traballo que pretende promover a participación social e o empoderamento de persoas en risco de exclusión. No taller realizado no marco do Programa Más Social, promovido pola Fundación Barrié, os usuarios de DOA Saúde Mental mergulláronse na linguaxe audiovisual, aprenderon a construÃr un relato, a darlle forma de vÃdeo e a executar a súa propia peza.
Durante todo este proceso, os participantes convertéronse en axentes activos de comunicación, elaborado de forma autónoma os seus propios contidos e creando para iso un grupo de traballo onde todos tiñan algunha función. Unha vez rematada a formación, os usuarios adquiriron unha serie de coñecementos e ferramentas que lles permitirán seguir aplicando esta metodoloxÃa nas actividades e dinámicas da asociación.
DOA Saúde Mental
A asociación DOA Saúde Mental naceu en 1987 para mellorar a calidade de vida das persoas con problemas de saúde mental e das súas familias, defender os seus dereitos e representar aos seus asociados. Conta con centros en Vigo e Cangas, traballando en torno a un modelo de atención de base comunitaria e xerando mecanismos de normalización. DOA Saúde Mental é unha entidade de acollida, apoio, autoaxuda, atención e representación das persoas con problemas de saúde mental e as súas familias, preocupada por proxectar interna e externamente un discurso normalizador sobre esta realidade.
Saúde Mental FEAFES Galicia
Saúde Mental FEAFES Galicia é unha entidade sen ánimo de lucro constituÃda en 1995 que representa os dereitos e necesidades do movemento asociativo de saúde mental. O seu obxectivo principal é a adopción de medidas que contribúan á mellora da calidade de vida das persoas con problemas de saúde mental e dos seus familiares. Actualmente agrupa a 14 asociacións repartidas por toda a comunidade galega que posúen centros e servizos en máis de 30 localidades.
O Centro de Investigación en TecnoloxÃas da Información e as Comunicacións (CITIC) vén de poñer en marcha un novo laboratorio de investigación en cuántica, que reforza as capacidades de Galicia en tecnoloxÃas cuánticas e completa a oferta de infraestruturas cientÃfico-tecnolóxicas do ecosistema de I+G+i. A posta en marcha deste novo laboratorio sitúa a Galicia nunha posición aÃnda máis competitiva neste ámbito e permite abordar de maneira integral a investigación, a experimentación, o desenvolvemento de aplicacións e a súa transferencia ao tecido produtivo.
Galicia rexistra en xuño con 1.123.034 cotizantes o máximo de afiliacións á Seguridade Social e con 105.768 persoas paradas o nivel de desemprego máis baixo de toda a serie histórica. No caso das afiliacións, soben tanto na comparativa anual como na mensual. Hai preto de 20.400 afiliacións máis que hai un ano e case 11.200 cotizantes máis que hai un mes, sendo na comparativa mensual o ritmo de subida maior ao estatal. En relación co paro, cae tanto na comparativa anual , cunha redución do -1,39 % como na mensual, neste caso un -3,28 %.
