sábado, 3 de mayo de 2025
O presidente da Xunta, Alberto Núñez Feijóo, destacou o valor histórico e cultural dos máis de 600 libros do fondo documental do Banco Gallego que, desde hoxe, estarán á disposición de todos os galegos no Arquivo de Galicia.
Durante o acto de entrega do fondo por parte da Fundación Banco Sabadell, Feijóo salientou que entre os exemplares custodiados no Arquivo de Galicia figuran todo tipo de documentación de bolsa, de factura, de billetes, de caixa ou de negociados, e tamén as copias das cartas do Banco Gallego, nas que se recolle a cultura de comunicación e de relación da empresa.
Ao respecto, aseverou que, a través da súa pegada, se poderá coñecer o papel que desenvolveu a banca na vida dos galegos desde 1760 ata o inicio do século XX, desde todos os puntos de vista: o dos clientes, pero tamén os dos propios fundadores do banco, que desenvolveron unha intensa actividade industrial e comercial en ámbitos como a fabricación de coiros, as conservas ou a obra pública.
O presidente da Xunta lembrou que, froito desta concepción, que aspira a entender a Galicia actual desde as súas raÃces é a creación da Memoria Dixital de Galicia, que empregará a tecnoloxÃa para levar aos galegos de hoxe e de mañá o que fixeron os galegos de onte.
Logo de precisar que o préstamo en comodato que hoxe se recibe non supón un cambio na propiedade dos documentos, pero si unha universalización no seu acceso, o responsable do Goberno galego trasladou o desexo de que os case 3000 libros que constitúen o arquivo histórico do Banco Gallego acaben repousando no Arquivo de Galicia, e constituÃr asà unha das coleccións estrela albergadas pola Cidade da Cultura.
Ademais do valor histórico, Feijóo puxo de manifesto o gran valor destes fondos como testemuñas dun fenómeno que caracterizou boa parte da nosa historia: a emigración a América.
Ao respecto, aseverou que estes documentos permiten probar a correlación entre as remesas enviadas desde a diáspora e a redención dos foros, que lles permitiu aos labregos acceder á propiedade das terras que traballaban desde habÃa séculos.
Feijóo concluÃu recordando que o Arquivo de Galicia custodia outras coleccións senlleiras como a da Banca Bengoechea ou a da familia Vilariño Pintos, a primeira en abrir un camiño de doazóns ao que cada vez se unen máis particulares e empresas.
A obra Hombre y joven marinero (1929), do poeta e artista Federico GarcÃa Lorca e pertencente á colección da Fundación Pública Galega Camilo José Cela, formará parte da exposición internacional The First Homosexuals, que se inaugurará o 2 de maio no prestixioso espazo Wrightwood 659 de Chicago. Trátase dunha mostra que reúne máis de 250 obras que documentan as primeiras representacións artÃsticas da homosexualidade no panorama internacional posterior a 1869. A Fundación Camilo José Cela continúa asà co seu labor de conservación, difusión e proxección internacional do seu valioso fondo artÃstico e documental, favorecendo o diálogo cultural arredor dunha das figuras máis senlleiras da literatura e da arte do século XX.
A figura e o legado de Alfonso Daniel RodrÃguez Castelao será divulgada a través dunha decena de publicacións ao longo deste 2025, dentro das accións da programación do Ano Castelo, co que o Goberno galego conmemora o 75 aniversario dunha das figuras máis senlleiras de Galicia. Entre elas estarán 'Celebrando a Castelao. O artista polifacético', de Rubén de Lis, dúas edicións da emblemática obra teatral 'Os vellos non deben de namorarse', os discursos institucionais de Castelao (da man da Fundación Castelao) ou a dixitalización da documentación sobre o Estatuto de 1936 (en colaboración co Instituto Padre Sarmiento).
