miércoles, 30 de abril de 2025
O impulsor desta iniciativa é o médico valisoletano afincado na Coruña Chema Ríos, colaborador de Médicos Sin Fronteras a través da Asociación Cultural sen ánimo de lucro Acordes pola Paz. Trátase dun libro composto por máis de 200 fotografías inéditas e singulares da cidade de Santiago, realizadas nos últimos sete anos polo propio Chema Ríos, gran afeccionado á fotografía e á música, e que ofrece unha perspectiva pouco habitual dos espazos máis representativos de Compostela.
Boa parte das fotografias foron glosadas, individual e persoalmente, por algún dos 52 persoeiros do ámbito galego e nacional que colaboraron desinteresadamente con este proxecto. Son personalidades tan recoñecidas como os escritores Antonio Gala, Manolo Rivas, Suso de Toro; cantantes como Joan Manuel Serrat, Raphael, Julián Hernández, Antón Reixa; cineastas como Alejandro Amenábar e actores como Luís Tosar ou Manuel Manquiña; presentadores de televisión como o Gran Wyoming ou Xosé Ramón Gayoso; humoristas como Luís Piedrahita e Moncho Borrajo; os ex-presidentes da Xunta de Galicia Emilio Pérez Touriño, Fernando González Laxe, Gerardo Fernández Albor e Manuel Fraga; o director da Real Academia Española, Darío Villanueva; o catedrático de Medicina Legal da Universidade de Santiago Ángel Carracedo; xunto a políticos, economistas, poetas, médicos, sacerdotes, mestres, libreiros, xornalistas, historiadores
ata persoas sen tanta popularidade pero con mestría na pluma.
O libro inclúe un CD cun himno a Compostela e cancións vencelladas á cidade, interpretadas por Milladoiro, Susana Seivane ou Rosa Cedrón, entre outros. Foi gravado no Auditorio de Galicia coa colaboración da Real Filharmonía de Galicia, dirixida por Paul Daniel. Recolle a canción "Himno do máxico amor a Compostela", composta (letra e música) para este proxecto por Juan Álvarez, médico, ex-profesor da Harvard Medical School durante 15 anos e moi afeccionado á música; coa axuda de Carolina Rubirosa, colaboradora tamén de MSF e que pon voz á canción, coñecida por ser a primeira que cantou temas de The Beatles en galego en The Cavern (o santuario Beatle de Liverpool). Carolina interpreta a versión inglesa deste himno, destinada a espallar Santiago polo resto do mundo, e para a que se está a facer tamén un videoclip. A versión galega do himno, con letra da poetisa Eva Veiga e Nicolás Vidal, faina Rosa Cedrón. A produción musical é do compositor e músico coruñés Nani García.
O CD reúne ademais outras cancións vencelladas a Compostela e interpretadas por grupos e artistas como Milladoiro, Susana Seivane, Rosa Cedrón, Nani García Trío, Jazzman (Quique Azambuya), Juan Álvarez, Pancho Álvarez e Linces Pop (o conxunto musical da adolescencia de Chema Ríos).
No acto de presentación do libro, Carolina Rubirosa e Rosa Cedrón cantan o "Himno do máxico amor a Compostela", acompañadas ao piano por Nani García.
Fotografía: publicación "Santiago invisible"
O conselleiro do Mar, Alfonso Villares, defendeu unha reforma da Política Pesqueira Común (PPC) para que esta se adapte ás necesidades da cadea mar-industria galega. Esta reforma debe incluír unha rexionalización da normativa europea e, por tanto, ter en conta as propostas e participación proactiva das autoridades rexionais na futura toma de decisións que se leven a cabo en Bruxelas neste senso. Así o expuxo este martes na reunión mantida ao máis alto nivel polo Comisario de Pesca e Océanos, Costas Kadis, co ministro de Agricultura, Pesca e Alimentación, Luis Planas, os responsables das comunidades autónomas do ramo, e as entidades representantes do sector pesqueiro, acuícola e das mulleres.
O presidente da Xunta, Alfonso Rueda, informou de que o Executivo autonómico aprobou hoxe 'solicitar formalmente un informe ao Consello Consultivo de Galicia' sobre 'as posibilidades legais' do traspaso das competencias para xestionar os permisos de traballo das persoas doutros países. O obxectivo é avaliar a posibilidade de asumir esta función en tres áreas concretas: as autorizacións iniciais para que unha persoa estranxeira poida traballar na comunidade, os permisos para traballos de tempada e os de larga estancia por motivos de estudos ou formación.
