miércoles, 29 de abril de 2026
O presidente do Goberno galego, Alberto Núñez Feijóo, destacou, durante a celebración da XXII edición da entrega dos Premios Diego Bernal, que este ano lle foi outorgado ao xornalista Fernando Salgado, a importancia do labor xornalístico para transmitir a realidade, explicala e axudar a interpretala.
Sobre o premiado desta edición, o titular da Xunta destacou a súa traxectoria profesional lembrando que Salgado fiscalizou a política económica do Goberno de Albor como xefe da sección de Economía de La Voz de Galicia; pasou a ditar esta política como conselleiro na lexislatura de González Laxe; controlou o Executivo de Fraga como líder da oposición parlamentaria e encabezou a relación do Goberno bipartito cos medios como secretario xeral de Comunicación.
Feijóo aseverou que todo recoñecemento é merecido para un comunicador sen o que non se podería entender a Galicia autonómica.
Foron presentadas as xornadas Galicia Biodays, que buscan posicionar Galicia como un territorio de referencia en innovación biotecnolóxica no ámbito internacional. Este evento vaise celebrar os días 6 e 7 de maio no Auditorio Mar de Vigo, e permitirá reforzar a marca Galicia Calidade en biotecnoloxía, fomentar o intercambio de coñecemento e establecer novas colaboracións científicas, empresariais e institucionais. Está previsto que asistan máis de 1000 persoas de 9 biorrexións convidadas, con máis de 130 relatores.
Alfonso Rueda informou de que o Consello deu conta do inicio da tramitación do anteproxecto da que será 'a primeira Lei do terceiro sector da acción social de Galicia'. Unha norma que busca 'unificar nun único texto legal a regulación deste eido e recoñecer de xeito formal o seu traballo e o papel que xogan as entidades na sociedade galega'. A necesidade de aprobar esta lei xustifícase na importante presenza destas entidades en Galicia, preto de 1.500, -que constitúen 'unha auténtica rede de solidariedade', segundo resaltou a conselleira de Política Social e Igualdade, Fabiola García-, para apoiar as persoas e fogares máis vulnerables.
