jueves, 24 de septiembre de 2026
En Marea traslada tamén a iniciativa ó Ministerio de Fomento a través do Congreso dos Deputados para que dea resposta á petición unánime de modificar a denominación.
O grupo parlamentario de En Marea aplaude a decisión do concello de Santiago gobernado por Compostela Aberta de solicitar ó Ministerio de Fomento e a Aena a modificación do nome do aeroporto de Compostela para que pase a denominarse Rosalía de Castro.
Para En Marea esta exemplar iniciativa aprobada onte por unanimidade en sesión plenaria é un xusto e merecido recoñecemento a unha figura clave na historia da literatura galega, pero o máis importante é que contribúe a normalizar as políticas en igualdade por parte das institucións, chamando a atención sobre a importancia de visibilizar o traballo da muller en todos os ámbitos.
Dando traslado a esa petición unánime da corporación compostelá, o grupo parlamentario de En Marea no Congreso dos Deputados rexistrou esta mesma mañá unha pregunta parlamentaria e máis unha proposición non de lei dirixidas ó Ministerio de Fomento para que aprobe o cambio de denominación neste mesmo ano 2017.
INICIATIVA EN MAREA:
https://gallery.mailchimp.com/124110c5c4ca02bed7d557215/files/PNL_AEROPORTO_ROSALI_A_DE_CASTRO.doc
PREGUNTA EN MAREA:
https://gallery.mailchimp.com/124110c5c4ca02bed7d557215/files/PREGUNTA_ESCRITA_CAMBIO_NOMBRE_AEROPORTO.doc
A Consellería de Educación vai dotar aos centros educativos de apoios específicos de acompañamento, formación e recursos materiais para desenvolver os novos programas de reforzo Avanza Lectura e Avanza Matemáticas, que se van poñer en marcha este curso en Primaria ao abeiro do novo Marco galego para o impulso educativo. O conselleiro Román Rodríguez reuniuse co Consello Escolar de Galicia para avaliar o inicio de curso e dar conta das accións da Xunta enfocadas a 'reforzar aprendizaxes apoiando a quen máis o precise, fomentar a cultura do esforzo e impulsar unha mellora integral e continua do sistema'.
O Consello da Xunta analizou na súa reunión de hoxe un informe da Consellería do Medio Rural sobre o anteproxecto de Lei de loita contra os incendios forestais de Galicia (LLCIF), antes da súa remisión para consulta ao Consello Forestal de Galicia, cuxa reunión está prevista para mañá martes. A futura normativa prioriza reforzar a protección da poboación e a xestión integral do territorio. O presidente do Goberno autonómico, Alfonso Rueda, lembrou que actual lexislación sobre incendios forestais 'ten case 20 anos' e 'cómpre actualizarla e adaptala aos novos tipos de lumes así como aos avances que houbo tanto na loita como na prevención de incendios'.
