sábado, 27 de abril de 2024
Luar na Lubre, unha das bandas de referencia da música folk do noso país, celebra trinta anos contribuíndo á promoción do uso do galego desde a música, así o destacou o secretario xeral de Política Lingüística, Valentín García, na rolda de prensa de presentación do traballo discográfico 'XXX aniversario. Selección especial de temas'. Con el, a formación conmemora tres décadas ofrecendo dous cedés recompilatorios nos que recolle 15 pezas pertencentes á discografía editada ao longo destes anos. O secretario xeral estivo acompañado de catro dos integrantes de Luar na Lubre, Bieito Romero, Antía Ameixeiras, Xan Cerqueiro e Patxi Bermúdez, e mais polo músico Emilio Cao, compositor do coñecido tema 'Fonte do Araño', recollido no traballo.
García Gómez gabou a traxectoria de Luar na Lubre na proxección da lingua e da cultura de noso, tanto dentro coma fóra de Galicia. Unha traxectoria dixo- que conta con diversos premios e recoñecementos, tanto a nivel galego como local, e na que cómpre subliñar un compromiso e unha achega constante ao proceso de normalización lingüística do galego.
Tres décadas de compromiso coa lingua e a cultura
Luar na Lubre, integrado polos músico Bieito Romero, Paula Rey, Antía Ameixeiras, Patxi Bermúdez, Pedro Valero, Xavier Ferreiro e Xan Cerqueiro, fundouse no ano 1986 na Coruña coa vocación de desenvolver e dar a coñcer a música e a cultura galegas a través dun repertorio baseado nomeadamente en músicas de raíces galegas.
Ao longo da súa carreira leva vendidos máis de 300 000 exemplares dos seus álbumes ('Plenilunio' e 'Cabo do mundo' foron discos de ouro) e recibiu, entroutros recoñecementos, nove premios da música (concedidos pola Academia das Artes e as Ciencias da Música), dous premios Luar (outorgados polo programa homónimo da televisión pública galega) e un Premio Ideal (concedido por El Ideal Gallego).
Nestes 30 anos, Luar na Lubre ofreceu máis de 1000 concertos en máis de 23 países e participou nos principais festivais Word Music canda a artistas internacionais de primeiro nivel como Mike Oldfield, The Waterboys, The Corrs ou Bob Geldof. A xira de presentación deste novo traballo inclúe, desde xaneiro, concertos nos concellos galegos de Santiago de Compostela, A Coruña, A Estrada e Moeche; e, no exterior en Zamora, Almería, Granada, Sevilla, Ponferrada, Madrid, Cuenca, Porto e Lisboa (Portugal) e mais México.
A Formación Profesional galega contará a partir do vindeiro curso co dobre de inglés do marcado como mínimo na normativa básica estatal e permitirá ao alumnado realizar ata 700 horas de formación práctica, ata un 82% máis que ata o momento. Todo isto mantendo o peso da formación no centro educativo, cuxo profesorado é o piar fundamental do éxito acadado polo sistema galego de FP nos últimos anos. O modelo de FP de éxito tense adiantado e implementado moitos dos cambios que agora o Ministerio toma como sistema a imitar en toda España. Polo tanto a aplicación da nova lei vai ser flexible, de tal forma que en Galicia se manteña a excelencia e se incorporen as novidades.
Foi presentado o evento The Way Startup Summit 2024, que un ano máis convertirá a Vigo no maior foro de emprendemento, innovación e investimento no Noroeste de España e cita de referencia a nivel nacional. O programa de They Way contempla tres grandes escenarios ao redor da innovación, o emprendemento e o investimento, así como a organización de espazos de networking entre os asistentes, co obxectivo de que establezan contactos, intercambien coñecementos e propíciense sinerxias entre eles. The Way desenvolverase os días 9 e 10 de maio abordando temas como os retos de futuro das FinTech, da mobilidade, da alimentación, do retail, do turismo, do deporte ou do téxtil, entre outras áreas.
