domingo, 26 de octubre de 2025
Os méritos de Margarita Ledo Andión son moitos e variados, e a Asociación Cultural Val de Láncara acaba de os recoñecer co premio Ramón Piñeiro, Facer paÃs. A sede do Consello da Cultura Galega en Santiago acollÃa esta mañá a presentación do fallo da décimo quinta xeira do galardón, que recoñece o labor dunha persoa ou entidade galega a favor do desenvolvemento da comunidade. Os responsables do premio, que convoca a Asociación Cultural Val de Láncara en colaboración con diferentes entidades desta comarca, destacaron o compromiso de Ledo "con Galicia na súa actividade profesional como xornalista, escritora, docente e cineasta" ao tempo que destacaron o seu papel como "partÃcipe fundamental no activo proceso de dignificación e renovación dos valores propios da cultura galega, con especial atención á presenza da lingua nos novos medios de comunicación". O acto de entrega terá lugar na primeira quincena de novembro no concello de Láncara.
O xurado dos Premios Rebulir deu a coñecer os galardoados na edición deste ano. LeilÃa, grupo que consideran un "referente" viu recoñecido o seu labor de proxección "da cultura galega dentro e fora das nosas fronteiras, atendendo sempre a rigurosidade e fidelidade coa tradición, pero sen perder de vista a innovación nos seus traballos". Ao tempo, acordou recoñecer no campo do patrimonio oral o dúo artÃstico formado por Xosé A. Touriñán e Marcos Pereiro, "polo mantemento, difusión e posta en valor do humor con raigame tradicional e en galego". Os galardóns entragaranse no marco da Gala Central do Festival Internacional Rebulir, programada para o sábado 17 de decembro no Polideportivo de O Picouto, en Ramirás.
A organización do festival Rebulir quere recoñecer con estes premios "a persoas/colectivos que contribúan á difusión e posta en valor da cultura tradicional nas súas diferentes manifestacións. Un dos aspectos que defende este galardón é a proxección do nome de Ourense e de Galicia alén das súas fronteiras, facendo fincapé no establecemento de vÃnculos interculturais e de raÃz".
O Centro Dramático Galego colgará de novo o cartel de “entradas esgotadas” nas tres últimas funcións do seu espectáculo A serie clopen esta fin de semana no Salón Teatro de Santiago de Compostela, onde terá sido visto por arredor de 5500 persoas desde a súa estrea o pasado 11 de setembro. Tras os 33 pases ofrecidos na sede da compañÃa da Xunta, tamén completando as butacas dispoñibles en varias ocasións, o espectáculo iniciará a finais de mes unha xira que o levará a outros cinco escenarios de Galicia e Portugal. AsÃ, a proposta dirixida por Pablo Reboleiro representarase o 30 de outubro no Teatro Académico de Gil Vicente de CoÃmbra como parte da programación da Mostra Galiza Coimbra 2025, organizada polos colectivos Cena Lusófona e A Escola da Noite e que conta co apoio económico da ConsellerÃa de Cultura, Lingua e Xuventude para ofrecer unha escolma de producións escénicas galegas, entre outras moitas actividades artÃsticas e formativas.
As empresas galegas que empregan Intelixencia artificial son xa o 15,7%, tras experimentar un crecemento do 51,1% no último ano. Crece tamén o uso do Cloud Computing, que pasou do 31,5% ao 38,2% no mesmo perÃodo de tempo. Son datos da enquisa sobre o uso das TIC e do comercio electrónico nas empresas 2024/2025, publicada hoxe polo Instituto Nacional de EstatÃstica (INE) e que constatan o crecemento sostido das tecnoloxÃas innovadoras no tecido produtivo galego. Outro dos indicadores do grao de dixitalización das empresas galegas é a incorporación dos especialistas TIC. O 13,1% das empresas de máis de 10 empregados conta con este perfil profesional, un 4% máis no último ano, o que a converte a Galicia na novena Comunidade Autónoma con máis proporción de especialistas TIC no tecido empresarial.
