Noticias pesca
Co recoñecemento de Amescruz, Sociedade Cooperativa Galega como nova Organización de Produtores Pesqueiros, coa denominación de OPP-99, Galicia lidera o número de OPP de ámbito autonómico no conxunto do Estado, unha proba máis de que a nosa comunidade mantén o seu papel de referente no ámbito pesqueiro e acuícola. Das 32 entidades existentes en España, dez sitúanse en Galicia, é dicir, case o 33 %. As Organizacións de Produtores Pesqueiros son entidades recoñecidas oficialmente no marco da Política Pesqueira Común da UE. A súa finalidade é contribuír á xestión sostible dos recursos mariños, favorecer unha mellor planificación da produción e reforzar a comercialización dos produtos da pesca e da acuicultura.
O Centro Tecnolóxico do Mar traballará nos vindeiros dous anos no proxecto 'Esparde-Efectos do Desprazamento Espacial de Flotas Pesqueiras Artesanais e Costeiras Derivados da Conservación e a Planificación do Medio Marino', unha iniciativa que analiza como as medidas de protección e ordenación do medio mariño inflúen nos desprazamentos da pesca artesanal e costeira, así como na sostibilidade das comunidades pesqueiras. Enmarcado no Programa Pleamar 2025, Esparde ten como obxectivo comprender mellor os efectos derivados da reubicación das flotas de pequena escala como consecuencia das restricións espaciais nos caladoiros. 'Esparde' pon o foco en embarcacións con porto base en Galicia, Asturias e Cantabria, especialmente naquelas que operan en zonas suxeitas a limitacións actuais ou futuras.
O Consello Galego de Pesca, presidido pola conselleira do Mar, Marta Villaverde, aprobou este venres o Ditame que rexeita a proposta do Marco Financeiro Plurianual 2028-2034 anunciado a finais de xullo pola Comisión Europea, ao considerarse lesiva e prexudicial para Galicia. O documento, ratificado por todos os integrantes deste órgano consultivo, é o resultado da unidade de acción emprendida a comezos de agosto polo grupo de traballo creado para deseñar unha folla de ruta a este respecto. E é que, lembrou a responsable autonómica, o plantexamento do órgano europeo implica a desaparición do carácter específico do Fempa, supoñendo unha insuficiencia orzamentaria, e a invisibilidade do sector para Europa.
O Centro Tecnolóxico do Mar (CETMAR) é unha entidade dedicada á innovación e á sustentabilidade no ámbito mariño. A súa misión é impulsar unha relación máis eficiente e responsable co medio marítimo, favorecendo o crecemento dos sectores pesqueiro e acuícola a través da investigación, a transferencia tecnolóxica e a colaboración institucional. Fundado no 2001 co apoio da Xunta de Galicia e do Goberno español, o CETMAR ten ampliado a súa influencia dende o ámbito local ata proxectos internacionais. A súa rede de colaboracións inclúe máis de 900 entidades de 61 países, abarcando universidades, centros de investigación, empresas e administracións públicas.
O sector marítimo-pesqueiro é un pilar estratéxico para Galicia, a principal potencia pesqueira de Europa, xa que contribúe cun 5% do PIB e xera preto de 50.000 empregos. Para afrontar retos como o relevo xeracional e a captación de novos profesionais, a Consellería do Mar investiu este ano 12,3 millóns de euros nunha rede de centros de formación de referencia, entre os que destacan o Instituto Politécnico Marítimo Pesqueiro do Atlántico (Ipmpa) en Vigo, pioneiro en España e recoñecido como Centro de Referencia Nacional (CRN) en Pesca e Navegación; a Escola Oficial Náutica-Pesqueira de Ribeira e a de Ferrol; e o Instituto Galego de Formación en Acuicultura na Illa de Arousa, Centro de Referencia Nacional en Acuicultura e Mergullo.
Galicia ratificou hoxe o seu apoio pleno ao Pacto Europeo dos Océanos como plataforma fundamental para unificar a súa gobernanza e aliñar a protección do medio ambiente co seu uso sostible, e avogou pola integración plena da pesca e da acuicultura como piares centrais dese acordo. Durante un evento no Comité Europeo das Rexións celebrado en Bruxelas este mediodía, a directora-xerente do Centro Tecnolóxico do Mar-Fundación Cetmar, Rosa Chapela Pérez, defendeu que os sectores pesqueiro e acuícola sostibles 'non representan unha ameaza para a saúde dos nosos océanos'. Polo contrario, afirmou, 'son aliados esenciais para manter o seu equilibrio'.
O conselleiro do Mar, Alfonso Villares, defendeu unha reforma da Política Pesqueira Común (PPC) para que esta se adapte ás necesidades da cadea mar-industria galega. Esta reforma debe incluír unha rexionalización da normativa europea e, por tanto, ter en conta as propostas e participación proactiva das autoridades rexionais na futura toma de decisións que se leven a cabo en Bruxelas neste senso. Así o expuxo este martes na reunión mantida ao máis alto nivel polo Comisario de Pesca e Océanos, Costas Kadis, co ministro de Agricultura, Pesca e Alimentación, Luis Planas, os responsables das comunidades autónomas do ramo, e as entidades representantes do sector pesqueiro, acuícola e das mulleres.
A Xunta presentou ao conxunto do sector pesqueiro galego, no marco da celebración do Consello Galego de Pesca, o seu Decálogo Estratéxico de Galicia na defensa dos seus intereses ante a revisión da PPC no que se establecen as prioridades da comunidade ante o proceso aberto o ano pasado ano pola Comisión para a súa avaliación. O encontro foi presidido polo conselleiro do Mar, Alfonso Villares, quen resaltou o traballo realizado polo Goberno galego, da man do conxunto da cadea mar-industria, na elaboración da folla de ruta galega. Villares sinalou que este decálogo vén a reformular o Ditame aprobado por unanimidade polo Consello no 2022.
O director xeral de Relacións Exteriores e coa Unión Europea, Jesús Gamallo, participou na sesión plenaria do Comité Europeo das Rexións (CdR), na que se aprobaron cinco ditames de opinión e tres resolucións urxentes, ademais de celebrarse catro debates políticos de alto nivel. Como coordinador da delegación española nesta asemblea política, Jesús Gamallo participou nunha reunión dos coordinadores nacionais coa nova presidenta do CdR, a húngara Kata Tüttő. Nesta xuntanza interveu no intercambio de opinións sobre o marco financeiro plurianual posterior a 2027 para defender o mantemento dos programas rexionais de fondos estruturais. Un dos ditames máis relevantes para Galicia é o relativo ao futuro Pacto Europeo dos Océanos, previsto por parte da Comisión Europea para o mes de xuño. A través de oito emendas, Galicia reclamou a defensa do produto pesqueiro comunitario fronte ao de terceiros países.
O conselleiro do Mar, Alfonso Villares, participou na Asemblea Extraordinaria da Conferencia de Rexións Periféricas Marítimas (CRPM) na que reivindicou a descentralización da xestión pesqueira a través dunha maior participación das rexións marítimas na toma de decisións. Así, subliñou que resulta esencial impulsar garantir a participación proactiva das autoridades rexionais, xunto coas institucións comunitarias, Estados membros, organismos científicos e o propio sector, entre outros, nun marco de cooperación entre os diferentes axentes implicados.
Vigo aclle a XX edición do Congreso Nacional de Acuicultura, unha cita que reúne a preto de 400 investigadores, representantes de empresas, administracións públicas e entidades vinculadas á acuicultura de todo o país. Baixo o lema Regreso a los orígenes, o encontro volve a Galicia para recoñecer o papel que a comunidade desempeñou no desenvolvemento científico, tecnolóxico e produtivo da acuicultura española.
O Programa de Ciencias Mariñas de Galicia (PCCMMG) celebrou a súa quinta asemblea en Santiago de Compostela. O evento reuniu 250 persoas entre investigadores, representantes da administración e axentes dos sectores produtivos e sociais relacionados co mar. Baixo o lema Avances fronte aos desafíos identificados e encontro cos sectores do mar, a xornada serviu para fortalecer as conexións entre o ámbito científico, tecnolóxico e social.
Os Asteleiros Fra son os máis antigos asteleiros de ribeira de Galicia, tendo máis de dous séculos de existencia, xa que se sabe que en 1806 xa construian barcos para a pesca. Están en San Ciprián, na costa de Lugo, e o seu director é Francisco Fra Rico, pertencente á séptima xeneración familiar dedicada á construción artesá de barcos. Ademais da construción de barcos, realizan tamén un importante labor pedagóxico.
O EqualSea Lab, financiado polo Consello Europeo de Investigación e dirixido polo profesor do departamento de Economía Aplicada da USC, Sebastian Villasante, participará no proxecto Reducing bycatch of threatened megafauna in the east central atlantic (REDUCE) co que se pretende, a través de enfoques científicos interdisciplinarios e novos, xestionar a pesca peláxica industrial na Unión Europea e no Océano Atlántico Centro-Oriental, xa que está última é unha fonte importantísima de actividade económica e proteínas para a UE.
As rías galegas constitúen un exemplo de baías de afloramento, polo que son un dos lugares máis produtivos do planeta, caracterizadas por unha elevada produción pesqueira e marisqueira. A pesar de que tanto as baías como as augas da plataforma continental fertilízanse pola entrada de nutrientes asociada ao afloramento costeiro, non están claros os factores responsables da extraordinaria produtividade das baías.
Un equipo composto por 15 institucións de sete países europeos, entre as que se atopa a Universidade de Santiago de Compostela, unirá forzas no proxecto de investigación NETTAG+. Durante os próximos tres anos, a iniciativa desenvolverá novas solucións para reducir os residuos xerados polas artes de pesca e o seu impacto na vida e os hábitats mariños. O proxecto está coordinado polo Centro Interdisciplinar de Investigação Marinha e Ambiental, con sede en Matosinhos (Portugal).
O Foro dos Recursos Mariños e Acuicultura das Rías Galegas (ForoAcui) celebrará os días 6 e 7 do vindeiro mes de outubro, no Auditorio Municipal de O Grove, a súa vixésimo cuarta edición asentado como espazo de referencia para comunicar e debater a realidade e as perspectivas de futuro da pesca, o marisqueo e a acuicultura en Galicia.
Coa participación de 200 persoas procedentes de medio cento de países, o International Institute of Fisheries Economics and Trade (IIFET), celebra ata o vindeiro venres no Auditorio Mar de Vigo a súa vixésima conferencia, que por vez primeira na súa historia recala en España, logo da celebración da súa última edición en 2018 en Seattle.
O proxecto 'Clock: Adaptación á redistribución dos stocks pesqueiros' chega ao seu fin logo de seis anos de actividade, nos que o grupo de investigación Future Oceans Lab do CIM da UVigo, que dirixe Elena Ojea, afondou no coñecemento científico sobre a adaptación da pesca aos impactos do cambio climático desde unha perspectiva socio-ecolóxica.
Investigadores e investigadoras das tres universidades galegas, liderados por Sebastián Villasante (USC) e coa colaboración das confrarías de Cambados, Redondela e a Lonxa de Campelo, analizan nun estudo publicado en Frontiers of Marine Science, os impactos do cambio climático sobre a vulnerabilidade socioeconómica do marisqueo nas rías galegas.
