sábado, 25 de abril de 2026
Nota de prensa remitida por el Gabinete de Comunicación de la Xunta de Galicia:
A exposición gráfica de Siro López Ramón Piñeiro na lembranza que organiza o Centro Ramón Piñeiro de Investigación en Humanidades a través da Secretaría Xeral de Política Lingüística pode verse ata o día 30 de xullo na sede da Fundación Caixa Galicia da Coruña.
O secretario xeral de Política Lingüística, Anxo Lorenzo, inaugurou a última parada desta mostra, que vén de amosarse nas cidades de Santiago, Ourense e Lugo. Tamén participaron no acto o autor da mostra, Siro López; o director xeral de Caixa Galicia, José Luis Méndez; o presidente da Real Academia Galega, Xosé Ramón Barreiro; o reitor da Universidade da Coruña, José María Barja; o presidente de La Voz de Galicia, Santiago Rey; e o coordinador científico do Centro Ramón Piñeiro, Manuel González.
Durante a inauguración, Anxo Lorenzo valorou no seu discurso a riqueza lingüística de Galicia e afirmou que o galego precisa aínda dunha especial protección para lograr a igualdade efectiva co castelán. Así mesmo, o secretario xeral asegurou na súa intervención que o Goberno de Galicia aposta por unha política lingüística de promoción da lingua galega, de activación do galego de maneira sostible e perdurable no tempo.
Unha homenaxe a Piñeiro
A exposición Ramón Piñeiro na lembranza reúne máis de trinta obras de Siro que teñen como protagonista a Ramón Piñeiro. Entre elas atópanse retratos, caricaturas e figuracións centradas no intelectual lucense. Algunhas das obras foron feitas a partir de apuntamentos tomados do natural, segundo aclarou Siro, mais a maioría naceron da evocación e dos recordos do artista sobre a figura do seu amigo.
Esta exposición enmárcase dentro das iniciativas levadas a cabo polo Centro Ramón Piñeiro, a través de Política Lingüística, para celebrar o ano do escritor de Láncara, autor homenaxeado no pasado Día das Letras Galegas.
Ferrol é a primeira das 13 citas co libro e a lectura que terán os galegos e galegas en diferentes vilas e cidades das catro provincias. Tras esta cidade, recollerá o relevo Santiago de Compostela, do 2 ao 10 de maio; Lugo, do 13 ao 17 de maio; O Porriño, do 14 ao 17 de maio; Redondela, do 11 ao 14 de xuño, e Ourense, do 17 ao 20 de xuño. Xa no mes de xullo, Vigo abrirá o día 1, prolongándose ata o día 7, continuando en Ponteareas, desde o día 9 ata o 12, e en Rianxo do 23 ao 26. Finalmente, en agosto, as Feiras do Libro viaxarán ata A Coruña, do 1 día ata o 10; Viveiro, do día 13 ao 19; Foz do 20 ao 23, e rematarán en Monforte de Lemos, onde se celebrará do día 26 ao 29 de agosto.
O número de persoas en Galicia que le ocasional ou habitualmente na nosa lingua medra en case nove puntos ata acadar o 72 %, isto é, sete de cada dez galegos. Ademais deste incremento do 13 por cento na lectura ocasional ou habitualmente en galego con respecto ao ano anterior, o estudo de 2025 tamén revela a consolidación dunha Galicia lectora, reflectida no sindicadores que sinalan que o 96,5 % da poboación maior de 14 anos le en calquera medio e soporte, o que sitúa a nosa Comunidade nun 1,4% por enriba da media de España. Ademais, o 70 % destas lecturas son de libros.
