lunes, 2 de noviembre de 2026
O seu fillo Luís Avilés Baquero é o encargado de introducir a selección de fotografías comentadas por Martín Veiga, quen achega un breve estudo de cada unha das seis etapas vitais nas que está estruturada a obra. Acompañan a escolma fotográfica dous CDs. Un deles, analizado por Ana Romaní, recolle a voz do autor recitando os seus textos. O outro ofrece unha selección dos poemas de Avilés musicados por Rodrigo Romaní, quen ademais documenta e guía a escoita deste último CD.
Esta é a terceira Fotobiografía Sonora publicada por Ouvirmos, que xa editara anteriormente as de Celso Emilio Ferreiro e Manuel María. A través de imaxes e sons, esta colección constitúe unha innovadora forma de aproximarse á literatura.
Galicia ocupa un lugar destacado nos Premios Nacionais de Investigación 2026, con cinco científicos galardoados. Tivo lugar o acto de entrega destes premios, celebrado no Palacio de Congresos de Europa, en Vitoria-Gasteiz. Os investigadores galegos que recibiron esta distinción son Ángel Carracedo, natural de Santa Comba, catedrático de Medicina na USC e director da Fundación Pública Galega de Medicina Xenómica; a compostelana Carmen Álvarez Lorenzo, catedrática da USC e directora do Instituto de Materiais da USC (iMATUS); e Laura Castro Santos, de Betanzos, catedrática da Escola Politécnica de Enxeñaría de Ferrol, pertencente á UDC.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
