lunes, 2 de noviembre de 2026
Todos eles, espazos públicos que mudarán a súa faciana habitual para se converter en improvisados escenarios onde poder escoitar e participar do máis granado da poesía contemporánea española.
Máis polo miúdo e respeto do programa da II Semana de Poesía Salvaxe, a responsable das políticas culturais da Administración local explicaba que o mércores, a partir das seis e media da tarder, arrancará a actividade da man dos propios Guillermo Ferrández e Carlos González Karlotty no Quiosco do Cantón. Nesta mesma xornada, o escritor e dramaturgo Carlos Santiago porá en escea o seu espectáculo pornopoético e portátil Textículos. No Pub Cazadores, a partir das once da noite. Xa na xornada do xoves, a lírica chegará da man da actriz e escritora ourensá Déborah Vukusic, que actuará no marco do Mercado da Magdalena a partir da unha do mediodía. E, pola tarde, tocaralle o turno ao economista e antropólogo, Marcos Lorenzo, ás 18 horas, na rúa Real. Pola noite, a Capela do Torrente Ballester acollerá o espectáculo poético-musical Sin Red, onde música e poesía, voz e música, se mixturan dende unha perspectiva contemporánea baseada na improvisación libre.
A terceira xornada da II Semana de Poesía Salvaxe achegará á cidade á poeta vasca Leire Bilbao. A súa actuación dará comezo ás cinco do serán no peirao de Curuxeiras. E unha hora máis tarde, pero esta vez na praza de Amboaxe, fará o propio o artista multidisciplinar Paco Pestana. A viveirense Olaia Cocinha, da man de Carlos Oroza, pecharán a xornada no pub Carteles a partir das 23 horas. Será o propio Oroza o que ofreza na última xornada da Semana de Poesía Salvaxe un vermut poético no Pub Cazadores. No serán, ás 18 horas, haberá un encontro de tódolos poetas convidados e poetas locais no Teatro Jofre, aberto ao público en xeral.
E como broche de ouro, o Teatro Jofre acollerá o concerto homenaxe a Golpes Bajos. Un espectáculo que correrá a cargo do líder da formación viguesa e dos músicos de Comando Delta. Será o propio sábado 18 de abril, a partir das oito e media da tarde e con entradas a 15, 12 e 6 euros. E, ao fío, Mercedes Carbajales lembraba unha das letras que facían famoso a este grupo musical, Malos Tiempos para la lírica, para asegurar que esta non só é necesaria senón que ten o seu lugar na sociedade actual.
Galicia ocupa un lugar destacado nos Premios Nacionais de Investigación 2026, con cinco científicos galardoados. Tivo lugar o acto de entrega destes premios, celebrado no Palacio de Congresos de Europa, en Vitoria-Gasteiz. Os investigadores galegos que recibiron esta distinción son Ángel Carracedo, natural de Santa Comba, catedrático de Medicina na USC e director da Fundación Pública Galega de Medicina Xenómica; a compostelana Carmen Álvarez Lorenzo, catedrática da USC e directora do Instituto de Materiais da USC (iMATUS); e Laura Castro Santos, de Betanzos, catedrática da Escola Politécnica de Enxeñaría de Ferrol, pertencente á UDC.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
