jueves, 11 de junio de 2026
Nota de prensa remitida por Nova Galega de Danza:
Despois de dous espectáculos nos que a compaía Nova Galega de Danza (NGD) sorprendeu ao público cunha nova linguaxe, coreográfica e musical, descoñecida para el, agora con Tradicción, pretenden sorprender de novo utilizando os elementos que conforman o seu propio imaxinario colectivo.
Tradicción é unha das coproducións do Centro Coreográfico Galego da tempada 2008 2009, unha proposta artística de Nova Galega de Danza que conta ademais co apoio do Concello da Coruña.
Con este terceiro espectáculo, a NGD estibo inmersa nun proceso de investigación. Os directores da compaía, Xaime Díaz e Vicente Colomer, estudaron, revisaron e reinterpretaron a danza tradicional máis pura, a través de talleres vivenciais encauzados por Xavier Díaz. En palabras súas: "imbuírse da nosa cultura de danza máis primaria e dar un chanzo máis na procura dunha danza contemporánea de marcado carácter galego".
A música de Tradicción, mistura as melodías tradicionais con harmonías e texturas modernas. Neste sentido, será decisiva a colaboración do novo director musical da compaía, Pedro Lamas, co pianista jazz asturiano, Jacobo de Miguel, dando como resultado unha música moi persoal, de autor. Na que tamén serán fundamentais as aportacións persoais de cada un dos músicos que traballan coa NGD.
Ademáis, nesta ocasión, a posta en escea pretende ir un pouco máis aló, incluíndo a proxección de imaxes, e un vestiario, que voltan a ser evocadores da cultura tradicional galega, e que amosan a "adicción pola tradición" no seo desta compaía.
Terra, percusión, madeira, vento, forza, pobo, movemento, pel, destreza e virtuosismo.
NGD aumenta, para esta producción, o número de bailaríns, o que xunto coa posta en escea, fan de Tradicción, un espectáculo que impacta, utilizando o escenario como un espacio no que ocorre todo, danza, música, tradición e modernidade.
Tivo lugar a xornada 'Deputados por un día', na que os escolares galegos levaron ao hemiciclo as súas propostas para mellorar a sociedade. Os catro representantes dos colexios, un por provincia, compartiron na Cámara as súas reflexións sobre a convivencia, o tema arredor do que xira este curso o programa educativo Abraza tus valores, e a relación dos menores coas tecnoloxías. Participaron máis de 8.300 escolares de entre 4 e 12 anos de 83 centros públicos, concertados e privados de Galicia (Arquitecto Casas Novoa de Santiago, o CEIP Plurilingüe A Gándara, de Monforte de Lemos, o CEIP Plurilingüe Irmáns Villar, de Ourense e o CEIP Plurilingüe de Cerdeiriñas, de Piloño).
A actividade levada a cabo pola Axencia de Protección da Legalidade Urbanística (APLU) para protexer o medio ambiente e o patrimonio natural e paisaxístico galego permitiu o pasado ano a reposición da legalidade en 121 actuacións en toda Galicia. Estas reposicións foron resultado do labor do equipo inspector do organismo adscrito á Consellería de Vivenda e Planificación de Infraestruturas, e repartíronse principalmente na provincia de Pontevedra, con 60 actuacións, seguida da Coruña con 30, Lugo con 21 e Ourense con 10.
