lunes, 19 de octubre de 2026
Deste xeito, no Modus Vivendi, o último domingo de cada mes entre outubro e maio, as persoas participantes na actividade farán unha escoita silenciosa e completa dun disco revelado no momento. Tras unha breve introdución, escoitarase de inicio a fin, e dará paso a unha conversa centrada nas emocións experimentadas máis que na análise musical.
Mentres, no Centro Galego de Arte Contemporánea terá lugar a outra acción complementaria do Club de escoita os días 19 outubro e o 18 novembro deste ano e o 22 febreiro, 16 marzo e 20 maio de 2027. Neste caso, o punto de partida non será un disco, senón unha obra que se escollerá entre as pezas das exposicións en curso ou mesmo baseándose na arquitectura de Álvaro Siza co obxecto de que inspiren unha listaxe de reprodución construída especificamente para cada sesión.
En cada unha das xornadas, tanto as que se desenvolvan no CGAC como nas do Modus Vivendi, irán acompañadas dunha guía de escoita, deseñada e producida por Santi Araújo para cada ocasión. Para participar nesta iniciativa de balde, as persoas interesadas deben facer sendas inscricións nos enderezos electrónicos cgac.educacion@xunta.gal e pubmodusvivendi@gmail.com.
A Xunta de Galicia pon en marcha no Centro Galego de Arte Contemporánea o Club de escoita, unha actividade na que as persoas participantes lle porán banda sonora ás creacións artísticas que acolle esta entidade pública e que está dirixida polo músico galego Santi Araújo. O proxecto, que bota a andar a tarde de hoxe e desenvolveranse ata finais de maio, complementarase cunha actividade que se desenvolverá no pub Modus Vivendi, na nova liña estratéxica do Centro Galego de Arte Contemporánea de abrir aínda máis a súa programación á sociedade en contacto co resto de accións culturais que se levan a cabo na súa contorna.
O presidente da Xunta informou de que o Consello deu luz verde ao proxecto de Lei de Orzamentos da Comunidade Autónoma para 2027, unhas contas que contan con 15.158 millóns de euros, 'o que supón un 6,4% máis que este ano' e que inclúen 'rebaixas de impostos para as clases medias e con menos recursos, para abaratar a vivenda e facilitar a transmisión da empresa familiar'. 'Galicia aprobará as súas contas, un ano máis, en tempo e forma. O que debería ser norma e non unha excepción para todas as Administracións. Os orzamentos son a ferramenta para que calquera Goberno poida facer axeitadamente o seu traballo.
