viernes, 21 de agosto de 2026
En canto á demanda, durante o pasado mes de xullo 644.755 persoas aloxáronse nos establecementos hoteleiros galegos, xerando un total de 1.334.577 noites. Estes datos mantéñense en niveis similares aos do ano anterior e confirman a estabilidade do segmento hoteleiro en Galicia nos últimos exercicios. De feito, o número de noites vén situándose arredor dos 1,3 millóns desde 2022.
No acumulado dos sete primeiros meses do ano, e á espera de incorporar os datos de xullo correspondentes ao turismo rural, albergues e cámpings, Galicia contabiliza 3,6 millóns de viaxeiros aloxados, que realizaron 6,44 millóns de noites, un 2,3% máis que no mesmo período de 2025.
Os datos de xullo tamén analizan a procedencia da demanda. O 76% das noites hoteleiras corresponderon ao turismo nacional. Dentro deste mercado destaca especialmente o turismo receptor, é dicir, os visitantes procedentes doutras comunidades autónomas, que representan o 57% do total das noites. Pola súa banda, o turismo internacional xerou 323.000 noites, equivalentes ao 24% da demanda hoteleira en Galicia.
Presentouse o décimo aniversario do festival Flores Rock, que se celebrará os días 4, 5 e 6 de setembro cunha ampla programación musical e cultural no Barrio das Flores da Coruña. A iniciativa, nacida no propio barrio e fortemente vinculada a súa xente e ao tecido social, mantén dez anos despois a esencia coa que comezou, cunha combinación de música, cultura e participación veciñal. O festival contará con dous escenarios e unha programación que reúne artistas e bandas de diferentes estilos, ademais de actividades para públicos de todas as idades e familias. O Flores Rock naceu en 2016 como iniciativa local e, ao longo desta década, foi consolidándose no calendario cultural da Coruña sen perder a súa identidade.
A Cidade da Cultura volverá converterse o próximo 28 de agosto nun punto de encontro para os novos sons urbanos coa celebración da III Lingua Urbana, unha cita que se consolida dentro da programación dos Concertos do Xacobeo. A terceira edición de Lingua Urbana contará con Yung Beef e Dirty Suc, dous dos nomes máis recoñecidos da escena urbana, aos que se suma Abhir, que ofrecerá en Santiago a súa única actuación en Galicia durante 2026. A presenza galega terá un peso destacadocoa participación de Arce, 9Louro, Lg1do, Sote, Carlos Barral ou Valesk8.
