lunes, 2 de noviembre de 2026
Reaproveitamento do trazado e investimento
Unha das claves do proxecto é a sustentabilidade da súa propia infraestrutura: aproximadamente o 90 % do percorrido discorre sobre camiños, pistas e sendeiros que xa existían previamente. Deste xeito, só se actuou de forma puntual no 10 % do trazado para conectar tramos e garantir que todo o itinerario sexa continuo e accesible.
Para poñer a punto este trazado, o goberno galego destina este ano un presuposto de 1,4 millóns de euros:
- Mellora do terreo (1,1 millóns de euros): Contía dirixida a labores de limpeza, desbroce, adecuación do firme, melloras no drenaxe e apertura de pequenos tramos de conexión.
- Sinalización homoxénea (200.000 euros): Instalación de paneis e sinais resistentes ao clima mariño e fabricados con materiais reciclados para orientar aos sendeiristas ao longo de todo o traxecto.
Guía dixital na palma da man
A experiencia compleméntase co desenvolvemento dunha aplicación móbil oficial, sen custo e dispoñible tanto en Android como en iOS. A través desta ferramenta, os usuarios teñen acceso a todos os detalles das 52 etapas, datos prácticos de navegación, información sobre o patrimonio natural e localizacións de interese incluídas no Catálogo de bens de valor cultural do litoral.
Con este proxecto, Galicia suma unha nova proposta de lecer e turismo de natureza que promove o coñecemento e o desfrute respectuoso do seu patrimonio costeiro de norte a sur.
Galicia ocupa un lugar destacado nos Premios Nacionais de Investigación 2026, con cinco científicos galardoados. Tivo lugar o acto de entrega destes premios, celebrado no Palacio de Congresos de Europa, en Vitoria-Gasteiz. Os investigadores galegos que recibiron esta distinción son Ángel Carracedo, natural de Santa Comba, catedrático de Medicina na USC e director da Fundación Pública Galega de Medicina Xenómica; a compostelana Carmen Álvarez Lorenzo, catedrática da USC e directora do Instituto de Materiais da USC (iMATUS); e Laura Castro Santos, de Betanzos, catedrática da Escola Politécnica de Enxeñaría de Ferrol, pertencente á UDC.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
