jueves, 27 de agosto de 2026
O conselleiro de Educación, Román Rodríguez, presentou en Ourense as novas instalacións de CiberLabFP, o novo Laboratorio Avanzado de Ciberseguridade da FP situado no Centro Galego da Innovación da FP Eduardo Barreiros. Nun acto no que estivo acompañado polo director da Axencia para a Modernización Tecnolóxica de Galicia, Damián Rey, e pola directora xeral de FP, Eugenia Pérez, o titular do departamento educativo da Xunta sinalou esta nova dotación como unha infraestrutura estratéxica orientada á formación avanzada e á innovación aplicada nun eido fundamental no contexto tecnolóxico actual.
Neste sentido, lembrou que no recente congreso FP Innova tivo un especial peso a abordaxe da formación docente neste eido. Estamos a traballar para que tanto profesores como alumnos adquiran as competencias precisas para contar cunha cultura de seguridade dixital sólida que lles facilite previr incidentes e protexerse a si mesmos e á información que manexan, explicou o conselleiro.
O conselleiro salientou, ademais, que este laboratorio permite achegar a formación ás necesidades reais das empresas nun ámbito estratéxico cada vez máis demandado. A este respecto, incidiu en que a nova dotación vai redundar en profesionais mellor cualificados, con máis oportunidades no mercado laboral, e que van poder trasladar este coñecemento ás empresas nas que traballen e, polo tanto, incrementar a ciberseguridade no tecido produtivo galego.
Román Rodríguez sinalou que, precisamente, a ciberseguridade é un dos eixos prioritarios do Plan Innova FP Galicia 26-30, que a Xunta vén de aprobar cun orzamento de 30 M. Ao seu abeiro desenvolveranse accións como este laboratorio, o despregamento de oferta formativa especializada neste eido por toda a xeografía galega ou o lanzamento dunha competición, Desafío CiberLabFP, para fomentar a aprendizaxe práctica mediante retos técnicos reais propostos aos alumnos.
O conselleiro puxo en valor, así mesmo o papel do Centro Galego da Innovación da FP Eduardo Barreiros no desenvolvemento deste plan, co que imos dar o pulo definitivo á innovación e á investigación aplicada na FP, aliñándoa cos obxectivos estratéxicos da I+G+i galega.
Funcionalidades
CiberLabFP configúrase como un espazo de aprendizaxe, experimentación e desenvolvemento de competencias en contornos reais que integran tecnoloxías da información (IT) e de operación (OT) para así adaptar a Formación Profesional aos novos escenarios de transformación dixital. Entre as súas funcionalidades destacan a formación especializada do profesorado, a simulación de ciberataques e defensa en contornos virtuais, a análise forense industrial ou a validación de sistemas antes da súa implantación. Ademais, contará cunha estación móbil que permitirá levar esta tecnoloxía a centros educativos de toda Galicia, así como realizar demostracións para empresas ou en feiras.
O laboratorio nace ao abeiro do convenio entre a Consellería de Educación e a Axencia para a Modernización Tecnolóxica de Galicia dentro do programa RETECH. A súa posta en marcha é froito do traballo dun grupo multidisciplinar de profesorado de FP e expertos procedentes de entidades como Telefónica, Siemens ou as Forzas e Corpos de Seguridade do Estado.
Un dos elementos diferenciais do Vilablues é que a súa programación transcende o recinto principal e se integra na propia vida do municipio. O festival conta con concertos, pasarrúas, sesións, jam sessions e actividades dirixidas a diferentes públicos, facendo que a música dialogue co espazo público, coa hostalaría, co comercio e coa actividade cotiá de Vilanova de Arousa. O cartel desta undécima edición estará encabezado por Dr. Feelgood, unha das grandes lendas británicas do pub rock.
A incorporación da intelixencia artificial (IA), o internet das cousas (IoT) e o big data nos sistemas xeoespaciais corporativos da Xunta, xunto co despregamento da plataforma de soporte a xemelgos dixitais, están a transformar a xestión territorial de Galicia, segundo o balance de 2025 da Estratexia Galicia Dixital 2030. O novo modelo, resultado do Programa de Xestión Territorial Intelixente, permite aproveitar as oportunidades en materia de xestión e coñecemento do territorio, de acordo coa visión estratéxica dunha transformación dixital adaptada ás necesidades específicas de Galicia.
