jueves, 29 de octubre de 2026
A entrega do premio celebrouse no decurso do acto de celebración das 50 edicións do Certame Literario de Vilalba, o máis antigo e de maior dotación de Galicia, iniciado en 1975 pola entón concelleira de Cultura, Loli Soto, que fixo un resumen daquel comezo.
No mesmo acto, Xulio Xiz, membro do xurado desde 1975, fixo un resumo das cincuenta edicións do Certame, e o escritor vilalbés residente en Madrid Miguel Barrera, pronunciou o Pregón das Festas patronais de San Ramón e Santa María.
Na fotografía, de esquerda a dereita: Xulio Xiz, Tamara Rodríguez, Andrea Fernández, Henrique Alvarellos e Mª Sonia Garcia.
O proxecto Xenoma Galicia, que conta cun investimento de 20 millóns de euros, ten por obxecto recompilar o ADN de 400.000 galegos para identificar os xenes relacionados co cancro de mama e ovario hereditario, a síndrome de Lynch e a hipercolesterolemia familiar. Ata o de agora, foron analizadas 3.112 mostras biolóxicas. En concreto, 1.037 mostras de sangue na primeira pilotaxe do proxecto, 796 de saliva no segundo piloto e, coa primeira fase do proxecto en marcha, 1.279 mostras dos voluntarios dos primeiros distritos participantes. A análise das mostras destes 1.279 participantes da fase 1 permitiu detectar 25 novos casos positivos. En concreto, 14 participantes deron positivo en cancro de mama e ovario hereditario, dous na síndrome de Lynch e nove en hipercolesterolemia familiar.
A Pedreira e Fillas de Cassandra estarán presentes no Womex 2026, o máis importante encontro mundial das músicas folk e de raíz que se celebra ata este domingo en Las Palmas de Gran Canaria. Trátase dunha iniciativa que ofrece aos artistas e ás empresas galegas un espazo para dar a coñecer o seu traballo ante programadores, festivais, axencias de contratación e outros profesionais de diferentes países. A artista foi escollida por un xurado internacional independente para formar parte dos Official Showcases, a selección oficial de concertos coa que Womex achega aos profesionais propostas das músicas do mundo.
