sábado, 13 de diciembre de 2025
Para a atención presencial a Xunta conta con 170 Oficinas de atención á cidadanía e rexistro, que dixitalizan a documentación presentada presencialmente, informan a cidadanía sobre procedementos e xestións e asisten na presentación electrónica ás persoas que o solicitan. En 2023, incorporáronse na Administración máis de 27 millóns de documentos electrónicos e creáronse máis de 641.000 expedientes de 530 procedementos distintos.
Durante o pasado ano xeráronse na carpeta cidadá máis de 800.500 expedientes correspondentes a 474 procedementos distintos e foron incluídos na carpeta 3 novos servizos que ofrecen unha atención personalizada no marco do deseño do novo modelo do nodo de datos cidadáns. Esta iniciativa que se vén de anunciar o pasado mes de xullo permitirá aos galegos e as galegas consultar a situación de todos os seus trámites a través de carpeta cidadá e actualizar os seus datos nun punto único.
A través da sede electrónica realizáronse máis de 63.000 pagos de taxas asociados á presentación de trámites.
O sistema de identificación mediante Chave365 está a ser utilizado por máis de 1,5 millóns de persoas. Ademais, incorporouse o sistema Clav@ da Administración Xeral do Estado e a identificación europea IDAS, que permite a cidadáns doutros estados europeos a identificación electrónica cos seus sistemas nacionais.
Hai tamén máis de 9.000 persoas que recorreron ao Rexistro Electrónico Xeral de Apoderamentos de Galicia (REAG) para autorizar a alguén para facer no seu nome os trámites administrativos.
A Xunta puxo a disposición das persoas interesadas máis de 1,7 millóns de notificacións, das que cerca de 1,2 millóns foron exclusivamente electrónicas. As persoas que recibiron estas notificacións foron máis de 580.000.
O balance tamén destaca que, dende a súa saída en 2023, a aplicación XuntaEu, que concentra as relacións da Administración coa cidadanía a través de dispositivos móbiles, foi descargada por máis de 35.000 persoas desde principios de anos. Desde XuntaEu pódese consultar a situación de expedientes, apoderamentos, citas, xestionar Chave365 e ter acceso a 16 carnés ou certificados.
Ademais, a Xunta conta cun catálogo de 282 portais, 35 aplicacións para dispositivos móbiles e 432 canles en redes sociais.
Os Concertos do Xacobeo da Xunta de Galicia achegarán a mellor música internacional do momento a Santiago de Compostela cunha nova edición de O Gozo Festival. Maroon 5, Martin Garrix, Danny Ocean, Rita Ora e Miriam Rodríguez son as primeiras confirmacións do festival, que presentarán os seus directos no Monte do Gozo compostelán o sábado 11 de xullo de 2026. O Gozo Fest conta co apoio da Xunta de Galicia a través da Axencia Turismo de Galicia, no marco dos Concertos do Xacobeo. En 2026, O Gozo Festival celebrará a súa cuarta edición cun line-up de luxo. O proxecto O Gozo Festival, que naceu en 2023 co apoio da Xunta de Galicia a través da Axencia Turismo de Galicia, no marco de Concertos do Xacobeo, consolidouse na súa terceira edición, celebrada en 2025, cun éxito rotundo de crítica e público.
O presidente da Xunta, Alfonso Rueda, defendeu esta mañá, na súa condición de presidente da delegación española do Comité Europeo das Rexións (CdR), unha maior cogobernanza das rexións na planificación e xestión dos fondos europeos e máis recursos para o sector primario. Así o destacou logo dunha reunión organizada polo Executivo galego entre os representantes españois tanto das comunidades autónomas como das entidades locais do CdR con eurodeputados españois e o embaixador representante permanente de España ante a Unión Europea, Marcos Alonso, 'para poñer en común as intencións e o noso plantexamento' de cara á negociación do novo Marco Financieiro Plurianual 2028-2034.
